ونزویلا ایچکی ایشلر وزیری دیوسدادو کابیونینگ اعلام قیلیشیچه، اوشبو مملکت جمهور باشلیغی نیکلاس مادورونینگ قولگه آلینیشی اوچون امریکا هجومیده، کمیده ۱۰۰ کیشی اولگن.
رویترز آژانسینینگ بوگون (۱۸-جدی، ۸-جنوری، پنجشنبه)، گزارش بیریشیچه، نیکلاس مادورونینگ خوفسیزلیک کوچلریدن کوپ قسمی، ونزویلا گه امریکانینگ اویوشتیرگن هجومیده اولگن دیر.
بوندن آلدین ونزویلا، امریکا هجومیده اولگنلر سانینی ترقتمهگن ایدی؛ لیکن بو مملکت اردوسی مذکور هجومده اولگن کوچلردن ۲۳ تهسینینگ رویخطینی شریک قیلگن.
امریکا، جاری هفته شنبه کونی ونزویلا بیلن آیلر دوام قیلگن کیسکینلردن کیین، اوشبو مملکتگه کیچه تامان حربی هجوم اویوشتیریش بیلن نیکلاس مادورو و تورموش اورتاغینی قورال و بنگیوار مادهلر قاچاقی عیبی بیلن قولگه آلیب و محاکمه اوچون نیویورککه انتقال بیرگن.
مادورو و تورموش اورتاغی، اوچ کون آلدین بیرینچی مرته منهتن فدرال محکمهسیگه حضور تاپیب و اولرگه توغری عیبلرنی رد قیلگنلر. مادورو و تورموش اورتاغی کیینگی محکمهسینینگ حوت آییده اوتکزیلیشی کوتیلهدی.
مادورونینگ قولگه آلینگنیدن کیین، ونزویلا عالی محکمهسی اونینگ اورینباسری دلسی رودریگزنی بو مملکت وقتینچهلیک جمهور باشلیغی صفتیده تعیین قیلگن.
