جمهورلیک ریاستی نینگ اعلان قیلیشیچه، افغانستان جمهور رئیسی محمداشرف غنی اوتگن “چهارشنبه” کونی عصر چاغیده، آمریکا حربی کوچلر باش قومندانی مارک میلی بیلن جمهورلیک ریاستی سرایی‌ده اوچره‌شگن.
جمهورلیک ریاستی سوزلاوچیسی صدیق صدیقی نینگ توییتر صحیفه‌سیده یازیشیچه، اوشبو اوچره‌شووده ایکی تامان تینچلیک جریانی، زوروانلیک کمه‌یتیریلیشی و آتیش‌کیسین برقرار قیلینیشی خصوصیده بحث قیلگنلر.
صدیقی نینگ کوپه‌یتیریشیچه، بو اوچره‌شووده ایکی تامان افغانستانده زوروانلیکلر کوپه‌یشیدن خواطر بیلدیرگنلر.
جمهورلیک ریاستی سوزلاوچیسی‌گه کوره، آمریکا حربی کوچلر باش قومندانی مارک میلی، اوز مملکت نینگ افغانستان امنیتی و دفاعی کوچلریدن حمایتی دوام قیلیشیدن ایشانچ بیرگن.
اوشبو اوچره‌شووده جمهور بیرینچی اورین باسری امرالله صالح، ملی خوفسیزلیک مصلحتچیسی حمدالله محب، کابل بوییچه آمریکا ایلچی‌لیگی سرپرستی راس ویل، کسین حمایه‌وی کوچلر عمومی قومندانی اسکات میلر و باشقه بیر قطار دولتی مقام‌لر حضور تاپگن‌لر.
شونینگدیک، جمهور رئیس غنی و پاکستان باش وزیری عمران خان اوتگن کونی شام چاغیده تلفون آرقه‌لی صحبت اوتکزیب افغانستانده زوروانلیکلر کوپه‌یگنی خصوصیده بحث قیلگنلر.
