تخار ولایتیدن امنیتی منبع‌لرنینگ ایتیش‌لریچه، امنیتی کوچلردن کمیده ۷۰ ته‌سی طالبان جنگری‌لری بیلن یوز بیرگن آتیشمه عاقبتیده هلاک ایتیلگن.
امنیتی منبع‌لردن بیری نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو ولایت نینگ بهارک تومنی‌نی «مسجد سفید» منطقه‌سیده امنیتی کوچلر و طالبان گروهی آره‌سیده یوز بیرگن آتیشمه عاقبتیده، امنیتی کوچلردن کمیده ۷۰ ته‌سی هلاک ایتیلگن.
عین‌حالده، تخار ولایتی بوییچه ساغلیق‌نی سقلش ریاستی باشلیغی عبدالقیوم حیرت نینگ سلام‌وطندارگه ایتیشیچه، حاضرگه‌قدر امنیتی کوچلردن ۳۴ ته‌سی نینگ جسدی اوشبو ولایت مرکزی کسلخانه‌سیگه انتقال بیریلگن.
تخار حاکمی سوزلاوچیسی جواد هجری، اوشبو ولایت پولیس قومندانلیگی نینگ خوفسیزلیک آمری رازمحمد دوراندیش نینگ هلاک ایتیلگنی‌نی تصدیق‌لگن، لیکن امنیتی کوچلر تلفاتی خصوصیده معلومات بیرمه‌گن.
طالبان گروهی حاضرگه‌قدر بوتوغریده فکر بیلدیرمه‌گن.