اتحادیه‌ی اروپا بر رفع نیازمندی سیلاب‌زدگان تأکید دارد

بخش کمک‌های انسان‌دوستانه‌ی اتحادیه‌ی اروپا، اعلام کرده که هزاران سیلاب‌زده در افغانستان به کمک نیاز دارند.

این نهاد، امروز (پنج‌شنبه، ۱۷ ثور) در اکس نوشته که با هم‌کاری صلیب سرخ و جمعیت هلال‌احمر افغانی کمک‌های حیاتی و پول را به سیلاب‌زدگان ارائه می‌کند.

به گفته‌ی بخش کمک‌های انسان‌دوستانه‌ی اتحادیه‌ی اروپا، ارائه‌ی کمک به سیلاب‌زدگان آن‌ها را قادر می‌کند تا نیازهای فوری شان را تأمین کنند.

در هفته‌های پسین، بارندگی‌ها و سیلاب‌ها در ولایت‌های گوناگون سبب واردکردن تلفات به شهروندان و آسیب‌رسیدن به زندگی آن‌ها شده است.