برای کمک به آسیب‌دیده‌گان آتش‌سوزی در جوزجان نشست اضطراری برگزار شد

مقام‌های محلی جوزجان می‌گویند که برای کمک به آسیب‌دیده‌گان آتش‌سوزی در روستای «بالا مردیان» ولسوالی فیض‌آباد این ولایت، نشست اضطراری برگزار کرده‌‌اند.

این نشست به‌منظور کمک به کسانی که در اثر آتش‌سوزی در روستای نام‌برده متضرر یا آواره شده‌اند، در مقام ولایت جوزجان با حضور رئیسان شماری از اداره‌های دولتی و مؤسسه‌های کمک‌کننده برگزار شده است.

سلام‌وطندار فارسی را در فیس‌بوک دنبال کنید

در این نشست شعیب رسالت، والی جوزجان، از رئیسان اداره‌های دولتی و مؤسسه‌های کمک‌کننده خواست که مطابق یک سروی کمک‌های‌شان را به آسیب‌دیده‌گان آتش‌سوزی در روستای «بالا مردیان» برسانند.

روستای «بالا مردیان»، یکی از روستاهای ولسوالی فیض‌آباد ولایت جوزجان است که در آتش طبیعی می‌سوزد. در نتیجۀ این آتش‌سوزی تاکنون ده‌ها خانه سوخته است و نیز ده‌ها خانواده آواره شده‌اند.