استانبول ییغیلیشی عرفهسیده، اوکراین جمهور باشلیغی ولودیمیر زلنسکی، بو مملکت و روسیه اورتهسیده دوام اېتهیاتگن اوروش گه چېک قوییش اوچون هر قندهی مذاکره گه تیارلیگینی بیلدیرگن.
خلقارا یېتکرمهلرنینگ معلوماتی گه بناً، اوکرایندهگی اوروش گه چېک قوییش اوچون استانبول ییغیلیشی بوگون (۲۵-ثور، پنجشنبه) اوتکزیلیشی کوتیلهدی.
بیزلرنینگ فیسبوک صحیفهمیزگه باش اورینگ!
ولودیمیر زلنسکی، روسیه و بو مملکت اورتهسیده نیچه ییلدن بیری دوام اېتیب کېلهیاتگن اوروشنی توگهتیش اوچون هر قندهی مذاکره گه تیارلیگینی بیلدیرگن بولسهده، بیراق بوتوغریده روسیه جوابنی کوتماقدهلیگینی اېتگن.
اونگه کوره: «اوکراین هر قندهی مذاکرهدن قورقمهیدی و تورکیهده اوتکزیلهدیگن مذاکره اوچون تیارمیز. و بو ییغیلیشده روس تامانیدن کېم کېلهدی اونی کوتماقدهمیز. سۉنگ، کېینگی حرکتلر حقیده قرار آلهمیز.»
بیزلرنینگ «ایکس» ترماغی ده هم تعقیب قیلینگ!
کییف و مسکو اورتهسیدهگی بیرینچی صلح مذاکرهلری حقیده حاضرگه قدر ایضاح کېریتیلمهگن بیرحالده، زلنسکی بوندهی بیانات بیرماقده.
روسیه جمهور باشلیغی ولادیمیر پوتین، یکشنبه کونی استانبولده مذاکره اوتکزیلیش تکلیفینی آچیقلهدی، بیراق بو ییغیلیشده مسکو تامانیدن کیم اشتراک اېتیشی حقیده هېچ نرسه دیمهگن.
