اوکراین جمهور باشلیغی ولودیمیر زلنسکی، امریکانینگ بو مملکتگه خوفسیزلیک کفالتلری حجتینینگ بوتونلی شکلده تیارلگنیدن خبر بیرگن.
زلنسکی، اوتگن کون (۵-دلو، یکشنبه)، لیتوانیا گه قیلگن سفری و خبری بیر ییغیلیشده، اوکراین بو حجتنینگ تقدیم قیلینیشی و اونینگ امضالنیش وقتی همده جایی تعیینلنیشینی کوتماقده دیب ایتگن. اونینگ ایتیشیچه: «بیز اوچون خوفیسیزلیک کفالتلری بیرینچی نوبتده، امریکا تامانیدن خوفسیزلیکنینگ تامینلنیشی دیگن معنانی انگلتهدی. اوشبو حجت بوتونلی شکلده تیار دیر.»
اوکراین جمهور باشلیغی، بیرلشگن عرب امیرلیگی پایتختی ابوظبی ده روسیه بیلن بو مملکت مذاکرهلریگه اشاره قیلیب و کوپهیتیریشیچه، اوشبو مذاکرهلر بیر قطار یوتوقلرگه ایگه بولیب و اونده، قیینچیلیک یرهتهدیگن مسئلهلر ایکی تامان آرهسیده بیراز حل بولگن.
زلنسکینینگ ایتیشیچه، روسیه اوکرایننی شرقی منطقهلردن وازکیچیشگه مجبور قیلیش مقصد حرکت قیلماقده؛ بو منطقهلر اوروش باشلنگنیدن حاضرگچه مذکور مملکت باسیب آلالگن بولیملر دیر.
روسیه و اوکراین وکیللری، جمعه و شنبه کونلری امریکا واسطهچیلیگی بیلن قریب تورت ییللیک اوروش گه چیک قوییش مقصد ترامپ بویروغی دایرهسیده تیکشیروو اوچون ابوظبی ده مذاکرهلرنی اوتکزگنلر که نتیجهسیز یکونلندی.
