اوکراین جمهور باشلیغی ولودیمیر زلنسکی، اوشبو مملکت شهرلریگه روسیه آرقهلی اویوشتیریلگن بیر کونلیک اینگ بویوک هوا هجوملریدن خبر بیریب و ایتیشیچه، روسیه کوچلری ۷۲۸ پهپاد و ۱۳ راکته بیلن اوکرایننینگ بیر قطار بولیملرینی نشانگه آلگن.
زلنسکی، بوگون (۱۸-سرطان، چهارشنبه)، اکس اجتماعی ترماغیده یازیشیچه، بو هجوم «حاضرگچه اینگ بویوک پهپاد تولقینی» بولیب، ۳۰۰ دن آرتیق شاهد پهپادی همده کینژال و اسکندر راکتهلریدن عبارت دیر.
اونگه کوره، مذکور هجوملردن کوپینچهسی اوکرایننینگ هوا مدافعه تیزیملری آرقهلی توختهتیلگن.
بیزلرنینگ «ایکس» ترماغی ده هم تعقیب قیلینگ!
اوکراین جمهور باشلیغینینگ کوپهیتیریشیچه، مذکور هجوم عاقبتلرینی برطرف ایتیش و تازهلش ایشلری بیر قطار حدودلرده حاضرگچه دوام ایتماقده.
ولودیمیر زلنسکیگه کوره، بو هجومنینگ اصلی مقصدی لوتسک شهری بولیب، دنیپرو، ژیتومیر، کییف، کیرووهراد، میکولائیف، سومی، خارکف، خملنیتسکی، چرکاسی و چرنیهیف منطقهلریدن بیر قطار بولیملری هم زیان کورگن.
زلنسکی، تینچلیک و آتیش کیسین برقرار بولیشی اوچون خلقارا سعیوحرکتلر بیلن بیرگه بو هجومنینگ اویوشتیریلگنیگه اشاره قیلیب و اونی، بو حرکتلر توغریسیده روسیهنینگ «بوتونلی ایشانچسیزلیگی» دن بیر نشانه دیگن.
بیزلرنینگ فیسبوک صحیفهمیزگه باش اورینگ!
او ینه بیر مرته، روسیه نفتی صادراتیگه کوپینچه تحریملر قوییلیشینی ایستهگن.
روسیه، ۲۰۲۲-ییل ۲۴-فبروری، اوکراین گه اوز حربی هجوملرینی باشلهب و بو اوروش جریانیده، مینگلب کیشی اولیب یا-ده یرهلنگن و اوکراین توپراغیدن بیر قطار بولیمی روسیه کوچلری تصرفیگه اوتگن.
اوروشنینگ یکونلنیشی اوچون بولگن دیپلماتیک سعیوحرکتلر حاضرگچه نتیجه بیرمهگن.
