خلقارا ییتکرمهلرنینگ معلوماتیگه کوره، امریکا جمهور باشلیغی دونالد ترامپ، روسیه و اوکراین اورتهسیدهگی اوروشنی توگهتیش اوچون ولودیمیر زلنسکی حرکت قیلیشی کیرهک دیگن.
ترامپ، بوگون (۲۵ دلو/۱۴ فبروری، شنبه) ژورنالیستلر بیلن صحبتده، روسیه تینچلیک مذاکره اوچون تیار و ایندی زلنسکی حرکت قیلیشی کیرهکلیگینی ایتدی.
امریکا جمهور باشلیغی، زلنسکی تیزراق حرکتنی باشلشی و بوندهی عجایب امکانیتنی قولدن بای بیرمسلیگینی بیلدیرگن.
دونالد ترامپ شوندهی دیگن: «روسیه کیلیشوو توزماقچی و زلنسکی حرکت قیلیشی کیرهک. عکس حالده، او عجایب امکانیتنی قولدن بای بیرهدی، او حرکت قیلیشیگه توغری کیلهدی.»
میلادی ۲۰۲۲-ییل ۲۴ فبروری کونیدن بیری روسیه و اوکراین اورتهسیده دوام ایتیب کیلهیاتگن اوروش گه چیک قوییش اوچون امریکا و باشقه بیرقطار مملکتلرنینگ برچه سعی-حرکتی هنوزگچه ایجابی نتیجه بیرمهگن. بو اوروش دنیا ایکینچی اوروشیدن کیین اروپانینگ اینگ اولیملی و بویوک اوروشیگه ایلنگن.
