سلام‌وطندار‌نینگ اوشبو گزارش‌ده مارکیتینگ بوییچه ایش بیلرمانلر بیلن اوتکزگن صحبت‌لری گه کوره، حاضر ایسه افغانستان ده یاشلردن قطاری مارکیتینگ اوچون لینکدین، گوگل ادز و صنعی هوشدن کوپراق فایده‌لنماقده.
اوشبو مارکیتینگ ینگی اصوللریدن بیری بولمیش لینکدین، مارکیتینگ ایشلری بیلن شغللنگن کیشیلر گه، تجاری علاقه‌لرینی کینگه‌یتیریش، محصوللری‌نی تانیشتیریش و انیق شکلده خاص مخاطبلری بیلن علاقه قوریش امکانیتی‌نی یره‌ته‌دی.
افغانستان ۳۴ ولایتیده مخابراتی خذمت‌لرنی ترقه‌تیب تورگن ییریک بیر کمپنیه‌نینگ مارکیتینگ ایشلری بوییچه مسوولی بلال صالحی‌نینگ ایتیشیچه: «لینکدین بیزلر گه انیق و فایده‌لی تجاری علاقه‌لرنی قوریش امکانی‌نی بیره‌دی که بو ایش ایسکی طرز‌ده‌گی اصوللرده امکان‌سیز دیر. ایسکی طرزلرده عمومی مارکیتینگ اوچون کوپراق سعی‌وحرکت بوله‌ر ایدی که حاضر لینکدین توغری شکلده مسلکی و خاص مخاطبلر بیلن علاقه‌ده قوریش فرصتی‌نی یره‌ته‌دی.»
بیزلرنینگ «ایکس» ترماغی ده هم تعقیب قیلینگ!
صالحی‌نینگ کوپه‌یتیریشیچه، لینکدین نه فقط مملکت ایچیده محصوللر ساتیلیشی اوچون فایده‌لی دیر؛ بلکیم دنیا بویلب مارکیتینگ کینگه‌یشی اوچون زمینه یره‌ته‌دی. «لینکدین‌دن فایده‌لنیش بیلن خلق‌ارا بازارلرده تجاری شریکلر و مشتریلرنی تاپه آلدیک که ایسکی طرزلرده بو نی امکانی یوق ایدی.»
کون اوتیشی بیلن ایش و تجارت دنیا‌سیده ینگی مارکیتینگ اصوللری اورته گه کیلماقده؛ گوگل ادز دیجیتال مارکیتینگ خصوصیده ینگی و فایده‌لی واسطه‌لردن بیری صفتیده، افغانستان ده سوداگرلردن کوپینچه‌سینی‌نینگ توجه‌سینی اوزیگه قره‌تگن.
آنلاین ریکلام‌لر دنیا بویلب رواجلنگن بولسه‌ده، حاضر ایسه بو طرز افغانستان ده موجود بولیب، سوداگرلر و شرکتلردن کوپینچه‌سی ینگی مشتری تاپیش و ساتیشلری کوپه‌یشی اوچون فایده‌لنماقده.
آرایشی محصوللر ساتیلیشی بولیمیده مارکیتینگ بوییچه مسئولی سعدیه یعقوبی، مشتری تاپیش توغریسیده گوگل ادز‌نی فایده‌لی بیلیب و ایتیشیچه: «فایده‌لنه‌دیگنیمیز ینگی اصول گوگل ادز دیر. اعلام‌لریمیزنی پرومو قیلیش و مملکتی ایچیده و تشقی‌ده مشتری‌لریمیز کوپه‌یشی اوچون بو طرز‌دن فایده‌لنه‌میز. بیر اعلام نی گوگل ادز آرقه‌لی اجتماعی ترماقلر گه تشله‌یمیز و بیزلرنی تعقیب قیلگن و قیلمه‌گن کیشی اونی کوره‌دی و مشتری تاپیله‌دی.»
لینکدین و گوگل ادز یانیده، صنعی هوش هم سونگی کونلر مارکیتینگ توغریسیده بویوک بیر اوزگریش نی یره‌تگن. بو تکنولوژی محصوللر اوچون موضوع تاپیش‌دن ویدیو و عکس یره‌تیش گه قدر مارکیتینگ ایشلری بیلن شغللنگن کیشیلر گه، تیز و قولی بیر شکلده ریکلاملرینی تیارلب و مخاطبلری گه ییتیشتیریش امکانی‌نی بیره‌دی.
کتاب‌لر گه بوک‌مارک توزه‌تیش و قول صناعتی بولیمیده ایشلش گه یوز کیلتیرگن یاشلردن بیری فیروزه عظیمی، صنعی هوشدن فایده‌لنیش‌نی ایشلری آسان‌لنیشی اوچون ینگی و فایده‌لی مارکیتینگ اصولی دیب و ایتیشیچه: «وقتیم‌نینگ درست شکلده مدیریت قیلیش اوچون کیچیک بیر ایش گه باشله‌دیم. قول صناعتی یانیده آنلاین کتاب‌ساتووچیلردن بیری‌گه بوک‌مارک هم توزه‌ته‌من. بو ایشلر اوچون سیس‌نی ضبط قیله‌دیگن و ادیت قیله‌دیگن صنعی هوش‌لردن فایده‌لنه‌من و بو ایشلریم‌نی قولی‌لشتیرگن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مارکیتینگ بوییچه ایش بیلرمان و بیلیم یورت استادی میوند صمدی، اوتگن ییل‌ده بو ساحه‌ده‌گی ترقیاتلرنی بیان قیلیب؛ بیراق شرکتلر و مارکیتینگ بوییچه مسئوللری‌نینگ افغانستان ده مارکیتینگ بوییچه ینگی اصوللر توغریسیده کوپراق توجه قیلیش‌لری گه تاکید قیلگن.
شونینگدیک جناب صمدی، سرپرست حکومت‌دن ینگی اصوللر یره‌تیلیشی و مارکیتینگ رواجلنیشی اوچون تکنولوژی زمینه‌سی گه کوپراق توجه قره‌تیلیشینی ایسته‌گن. «شرکتلر کوپراق فایده‌لی مارکیتینگ خصوصیده توجه قیلسینلر. ایسکی طرزلر حاضر ایش بیرمه‌یدی و ینگی اصوللر خصوصیده ایشله‌نیشی کیرهک. اوتگن بیر ییل‌‌گه قره‌گنده افغانستان ده مارکیتینگ رواجلنگن. دولت تکنولوژی تامین‌لنیشی بولیم‌لریده یاشلر بیلن همکارلیک قیلیشی کیرهک.»
اوتگن ییل‌لرده مارکیتینگ ایشلری بوییچه مسئوللری، محصوللری ساتیلیشی اوچون ایسکی و دیجیتال اصوللریدن فایده‌لنمه‌ی، مارکیتینگ قیله‌ر ایدیلر؛ بیراق حاضر ایسه دنیا بویلب دیجیتال مارکیتینگ اورته گه کیلیشی بیلن دنیا بویلب سوداگرلر و یاشلر، مشتری تاپیش و محصوللر‌نینگ تانیشتیریشی مقصد مارکیتینگ ینگی اصوللریدن فایده‌لنه‌دیلر.
