یمن حوثیلری سوزلاوچیسی یحیا سریعنینگ اعلام قیلیشیچه، حوثیلر اینگ ینگی عملیاتلرده، نیچه پهپاددن فایدهلنیش بیلن اسرائیل توپراغیدهگی تورلی حدودلرنی نشانگه آلگن.
سریع، اوتگن کون کیچ قورون (۱۶-سنبله، یکشنبه)، اکس صحیفهسیده یازیشیچه، بو هجوملر «موفقیتلی» شکلده یکونلنگن.
یحیا سریعنینگ ایتیشیچه، پهپاددن بیری اسرائیل جنوبیدهگی «رامون» هوا قونالغهسیگه تیگیب، اوچیشلرنینگ توختهتیلیشی و اوشبو هوا قونالغهسی فعالیتلرینینگ وقتینچهلیک شکلده توختهتیلیشیگه سبب بولگن.
اونینگ کوپهیتیریشیچه، پهپادلردن اوچ تهسی نِگِو منطقهسیده جایلشگن ایکی حربی جاینی نشان گه آلیب و باشقه بیر تهسی ایسه اشکلون ده «حیاتی» قوریلمهسیگه تیگگن. شونینگدیک او اشدود و یافا ده باشقه نیچه جای همده لُد هوا قونالغهسینینگ پهپادی هجوملری بیلن نشانگه آلینگنیدن خبر بیرگن.
حوثیلر سوزلاچینینگ ادعا قیلیشیچه، عملیات «موفقیتلی» شکلده عملگه آشیریلیب و پهپادلردن بیر قسمی اسرائیل و امریکا مدافعه تیزیملری تامانیدن انیقلنمهگن یا-ده کوزهتیلمهگن.
اونینگ اورغولشیچه، مذکور هجوملر «غزه اهالیسی گه قرشی اسرائیل جنایتلری» دوامیگه جواب اولهراق اویوشتیریلیب و حوثیلر فلسطین اهالیسیدن اوز حربی حمایتیگه دوام بیریب و اسرائیل گه هجوملرینی کوچهیتیرهدی.
یحیا سریعنینگ اورغولشیچه، اسرائیل هوا قونالغهلری باشقه «تینچ» ایمس و برچه هوا یوللری شرکتلریدن اوشبو هوا قونالغهلریگه پرواز قیلمسلیکلرینی ایستهگن. شونینگدیک اونینگ ایتیشیچه، یمن «فایدهلی» هجوملرینی اویوشتیریش مقصد اوز حربی امکانیتلرینی رواجلنتیرماقده.
شونینگدیک اسرائیل اردوسی بیر بیانیه آرقهلی اعلام قیلیشیچه، یمن دن آتیلگن بیر پهپاد، رامون هوا قونالغهسی اطرافیگه توشگن.
بیانیهده کیلیشیچه، اسرائیل مدافعه تیزیملری یمن دن آتیلگن اوچ پهپادنی کوزهتگن و اولرنینگ ایکی تهسی اسرائیل هوا حدودیگه کیریشدن آلدین یوق قیلینگن.
