خلق‌ارا ییتکیرمه‌لر نینگ معلوماتی گه کوره، ۲-جنوری سه‌شنبه کونی، جاپان ده یوز بیرگن کوچلی زلزله قربان‌لر رقمی ۳۰ کیشی گه ییتیشگن.
اوشبو کیشی‌لر، جاپان نینگ ایشیکاوا منطقه‌سیده جان بیرگنلر.
بیزلرنینگ فیسبوک صحیفه‌میزگه باش اورینگ!
معلومات‌لر گه بناً، بیرینچی زلزله یوز بیریشیدن حاضرگچه بو مملکت ده چمه‌سی ۱۴۰ زلزله یوز بیرگن و کیله‌جک ده کوچلی زلزله‌لر یوز بیریش احتمالی موجود دیر.
اوشبو زلزله ده قربان بولگنلر گه قوشیمچه کوپ سانده بنالر بوزیلیب و سرک‌لر توسیلگن.
قوتقرو تیم‌لری، بنالر آستیده بند قالگنلر نینگ قوتقریش اوچون سعی‌وحرکت قیلماقده‌لر.
شونینگدیک کیتمه-کیت زلزله‌لر، مینگلب اوی نینگ برقی کیسیلیشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
رسمی‌لر نینگ بیاناتی اساسیده، ساغلیق مرکزلریده سوو و برق کیسیلیشی زلزله دن ضرر کورگنلر گه یاردم بیریش نی قیین قیلگن.
ایتیش کیره‌ک، میلادی ینگی ییل بیرینچی کونی ده (۲۰۲۴ییل، ۱جنوری)، جاپان نینگ ایشیکاوا ولایتیده ۷.۶ بویوک‌لیگیده زلزله یوز بیردی.
جاپان، دنیا ده اینگ کوپ زلزله یوز بیره‌دیگن اولکه‌لردن بیری بولیب و هر ییل اوشبو مملکت ده بیر مینگ ۵۰۰ گه یقین زلزله یوز بیره‌دی.