خلقارا ساغیلقنی سقلش تشکیلاتی افغانستان بولیمینینگ اعلام قیلیشیچه، جاپان افغانستان گه ۵۰۰ مینگ دالر یاردم بیرگن.
اوشبو نهاد، بوگون (۱-حوت، چهارشنبه)، اوز وبسایتیگه ترقهتگن گزارشیده یازیشیچه، بو یاردملر افغانستان ده ضعیف کیشیلر اینیقسه بالهلر و عیاللر اوچون طبی مراقبتلرنی کوچلنتیریش بولیمیده صرفلنهدی.
بیزلرنینگ فیسبوک صحیفهمیزگه باش اورینگ!
مذکور نهاد گزارشینینگ بیر بولیمیده کیلیشیچه، بو یاردم بیلن و افغانستان یشاوچیلرینینگ ساغلیق بولیمیدهگی احتیاجلری حل بولیشی اوچون میلادی جاری ییلنینگ مارچ آییدن ۲۰۲۶-ییل فبروری آییگچه، کیرهکلی طبی مراقبتلر کورستیلیشی توغریسیده ۱۲ آیلیک بیر لایحهنی ایشگه توشیرهدی.
خلقارا ساغلیقنی سقلش تشکیلاتی افغانستان بولیمینینگ ایتیشیچه، بو لایحه یوقوملی کسللیکلرنینگ نظارت بولیمی کوچهیشی و اوزاق منطقهلر شامل ساغلیق خذمتلردن فایدهلنیش امکانیتلری یخشیلنیشی توغریسیده اعتبار قرهتگن.
بیزلرنینگ «ایکس» ترماغی ده هم تعقیب قیلینگ!
بو نهادنینگ اورغولشیچه، افغانستان یشاوچیلریگه طبی خذمتلرنی کورستیش بیلن مذکور مملکت ساغلیق سکتوری بوینیگه بولگن یوکنی آلیب تشلش اوچون سعیوحرکت قیلماقده.
افغانستاننینگ ساغلیقنی سقلش سکتوری، کوپراق خلقارا یاردملر گه نیازمند بولگن بولیملردن دیر. اوتگن اوچ ییلده اسلام امیرلیگی رسمیلری نیچه مرته مملکتلر و خلقارا نهادلردن افغانستاننینگ ساغلیق سکتوری بیلن همکارلیک قیلیشلرینی ایستهگن.
