ایران رهبری سیدعلی خامنهاینینگ ایتیشیچه، امریکا و حمایتچیلری اوشبو مملکت برابریده ناتوغری حرکت قیلگنلری صورتده، ایراننینگ قاطع جوابی بیلن روپهره بولیشی ممکن.
خامنهای بو موضوعنی اوتگن کون توشدن کیین ایران پایتختی تهران ده بیر قطار طلبه بیلن اوچرهشگنیده بیان قیلیب و کوپهیتیریشیچه، امریکا بیلن مذاکره قیلیش نه فقط بو دولتگه قرشی تحریملرنینگ بیکار قیلینیشیگه سبب بولمهیدی، بلکیم ایران برابریدهگی باسیملرنینگ کوچهیتیرهدی.
بیزلرنینگ فیسبوک صحیفهمیزگه باش اورینگ!
اونگه کوره، «ضربه قیلیش تهدیدی و اوروشنی یرهتیش بیر تامانلمه مسئله ایمس و ایران قرشی ضربه نی وارد قیلیشگه قادر بولیب و قطعاً بو ایشنی قیلهدی.»
ایران رهبری، مذکور مملکتنینگ هستهای برنامهسی حقیده مذاکره قیلیش اوچون امریکا ریجهسینی نتیجهسیز دیب و اورغولشیچه، امریکا جمهور باشلیغی دونالد ترامپ ایران بیلن مذاکره قیلیش اوچون تیارگرلیک بیلدیریب، دنیا جماعتچیلیگی فکرینی منحرف قیلیشگه اورونماقده.
بیزلرنینگ «ایکس» ترماغی ده هم تعقیب قیلینگ!
بوندن آلدین دونالد ترامپ، ایران رهبریگه بیر مکتوب یوباریب و بو مملکتدن امریکا بیلن هستهای برنامهسی حقیده مذاکره قیلیشینی ایستهگنی نی اعلام قیلگن ایدی که سیدعلی خامنهای گه کوره، بو مکتوب حاضرگچه ایراننینگ قولیگه ییتیشمهگن.
