خلق‌ارا ناگرانلر کونی بیلن بیرگه، ناگران کیشیلردن قطاری جمعیت‌ده تبعیض‌لی یانده‌شوو بیلن تعلیمی و ایش فرصت‌لری گه قول تاپه آلمسلیکدن شکایت قیلیب، سرپرست حکومت‌دن، اولر گه حیات‌نینگ دستلبکی خذمت‌لری یره‌تیلیشینی ایسته‌گنلر.
نیچه مدت آلدین ترافیکی حادثه نتیجه‌سیده کوریش قابلیتی‌نی قولدن بیرگن ۱۶ یاشر حامد‌الله‌نینگ ایتیشیچه، مملکت یشاوچیلری‌دن قطاری ناگران کیشیلرنی «جمعیت‌ده بیر یوک» کبی کوریب و اولر بیلن تبعیض‌لی یانده‌شه‌دیلر.
اونینگ کوپه‌یتیریشیچه: «بعضا بیران نیاز‌لریمیز حلی اوچون تشقری گه چیقه‌میز. بعضی کیشیلر بیلن روپه‌ره بوله‌میز که ناگران کیشیلر بیلن قنده‌ی یانده‌شیشنی بیلمه‌یدیلر. اولر کوزدن عاجز کیشیلرنینگ کوچلی بولیب بولمه‌گنی نی بیلمه‌یدیلر. انه شوو سبب تشقری‌ده بعضی‌لر کوزدن عاجز کیشیلر بیلن درست یانده‌شمه‌یدیر.»
بیزلرنینگ فیسبوک صحیفه‌میزگه باش اورینگ!
ژنتیکی قیینچیلیکلر سبب کوریش قابلیتی‌نی قولدن بیرگن ۱۸ یاشر مصطفی عنابی‌نینگ ایتیشیچه، مملکت‌ده ناگران کیشیلر کوپراق تعلیم و ایش چیکلاو‌لری بیلن روپه‌ره دیر.
اونینگ کوپه‌یتیریشیچه: «روپه‌ره بولگنیمیز قیینچیلیکلر انه شوو تحصیل و ایش دیر. ساغ کیشیلر کبی تحصیل و ایش گه قول تاپه آلمه‌یمیز؛ بیراق استعدادی‌میز بار که ساغ کیشیلر کبی ایشله‌سک. حکومت‌دن درس و ایش زمینه‌سی یره‌تیلیشینی ایسته‌یمیز.»
کابل ده یوز بیرگن بیر پارتلش‌ده ایکی ایاغی‌نی قولدن بیرگن ۵۰ یاشر حمید‌الله‌نینگ ایتیشیچه، ناگران کیشیلر اوچون ییترلیچه آسایشته‌لیک‌لر یوق. او سرپرست حکومت آرقه‌لی ناگرانلرگه آسایشته‌لیک یره‌تیلیشی نی ایسته‌گن.
حمید‌الله‌نینگ کوپه‌یتیریشیچه: «ساغ کیشی ۱۰ افغانی بیلن لینی موترلر گه کیته آله‌دی. بیزلر دربست موتر توتیب ۱۵۰-۲۰۰ افغانی توله‌شیمیز کیره‌ک. ناگران کیشیلر گه کوپراق آسایشته‌لیک یره‌تیلیشینی ایسته‌یمیز.»
شونینگدیک جمهوریت توزومی‌ده بیر ایاغی‌نی قولدن بیرگن ۴۵ یاشر رایان‌گل، سرپرست حکومت‌دن ناگران کیشیلر گه یاردم بیریلیشینی ایسته‌گن. «حکومت‌دن مینگه و مین کبی ناگران کیشیلر گه ایش زمینه‌سی یره‌تیلیشینی ایسته‌یمن که بو یول آرقه‌لی دارو پولی بیلن عایله‌م نینگ نیازلرینی تامین قیلسم.»
شونده‌ی بیرحالده، شهیدلر و ناگرانلر وزیرلیگی مسئوللری‌نینگ ایتیشلریچه، اوشبو وزیرلیک ناگران کیشیلر گه کوپینچه آسایشته‌لیک یره‌تیلیشی مقصد سعی‌وحرکت قیلماقده. مذکور وزیرلیک سوزلاوچیسی فیصل خاموش‌نینگ ایتیشیچه، اسلام امیرلیگی‌نینگ قدرت گه ایریشگنی‌دن بویان، شهیدلر و ناگرانلر وزیرلیگی‌ده ۱۹۰ مینگ ناگران کیشی ثبت بولیب و آی‌ده آیلیک قولگه کیلتیره‌دیلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بو وزیرلیک‌ده ۱۹۰ مینگ ناگران کیشی ثبت بولگن که اولر حربی، طبیعی و جمهوریت توزومی‌ده ناگران بولگن کیشیلر دیر و اولر گه آی‌ده آیلیک بیریله‌دی. شونینگدیک اولر گه کوپراق آسایشته‌لیک یره‌تیلیشی اوچون سعی‌وحرکت قیله‌میز.»
اروپا اتفاقی خلق‌ارا ناگرانلر کونی مناسبتی بیلن ایتیشیچه، افغانستان ده‌گی ناگران کیشیلر کوپینچه قیین‌چیلیک جمله‌دن ساغلیق‌نی سقلش خذمت‌لریدن فایده‌لنه آلمه‌یدیلر. مذکور نهاد اوز اکس صحیفه‌سیده بیر بیانیه ترقه‌تیش بیلن، ناگران کیشیلرنینگ قوللب-قوتلشینی یازگن.
ایتیش کیره‌ک که، ۳-دسمبر بیرلشگن ملتلر تشکیلاتی آرقه‌لی ناگران کیشیلر گه حرمت قیلینیش‌نینگ رواجلنیشی مقصد، خلق‌ارا ناگرانلر کونی دیب ناملنگن.
