اسلام امیرلیگی تامانیدن، افغانستان ده ایچکی و خارجی نادولتی مؤسسه‌لرده عیاللر ایشی توخته‌تیلیشی و بیلیم یورت‌لر ایشیگی قیزلر یوزیگه یاپیلیشی گه دایر مناسبت‌لر دوام ایتر ایکن، خلق‌ارا قوتقرو کمیته، باله‌لردن حمایت قیلووچی تشکیلات و افغانستان اوچون بریتانیا ایلچیخانه‌سی نینگ شارژدافیری، عیاللر نینگ ایشی توخته‌تیلیشی گه مناسبت بیلدیریب، بو ایش افغانستان یشاوچلری نینگ اقتصادی قیینچیلیگیگه سبب بولیشیدن آگاه‌لنتیرگنلر.
افغانستان ده ایچکی و خارجی نادولتی مؤسسه‌لرده عیاللر نینگ ایشی توخته‌تیلیشی گه دایر مناسبت‌لر بیلن، لیکن اسلام امیرلیگی اوشبو قرارینی حاضرگچه بیکار قیلمه‌گن.
ایش بیلرمان‌لر نینگ ایشانچی گه کوره، عیاللر ایشی توخته‌تیلیشی بیلن انسان پرورلیک یاردم‌لر گه محتاج کیشی‌لر کوپراق زیان کوره‌دیلر.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان ظاهر بهزاد نینگ ایتیشیچه: «اوشبو قرارلر قیمتینی افغانستان خلقی توللـه‌یدی؛ عین‌حالده کوپ سانده انسان‌لر اقتصادی قیینچیلیک بیلن دوچ دیر.»
افغانستان ده ایچکی و خارجی نادولتی مؤسسه‌لرده عیاللر ایشی توخته‌تیلیشی بیلن، خلق‌ارا یاردم بیرووچی تشکیلات‌لردن قطاری افغانستان ده فعالیت‌لرینی توخته‌تگن، اسلام امیرلیگی دنیا همجمعیت نینگ بو کبی حرکت‌لریدن تنقید قیلیب، بو ایشنی انسان پرورلیک یاردم‌لرنی سیاسی قیلیش عنوان قیله‌دی.
اقتصاد وزیرلیگی سوزلاوچیسی عبدالرحمان حبیب گه کوره، دنیا همجمعیت اوز یاردم‌لرینی کمه‌یتیریش بیلن، افغانستان نینگ ایچکی ایشلری گه اره‌له‌شیش اوچون بهانه قیدیرماقده دیر.
اونگه کوره: «سرمایه‌لر موزله‌تیلیشی، مالی و بانکی چیکلاولر یره‌تیلیشی اقتصاد اوستیگه تأثیر قیلگن ایدی، بیز عیاللر گه یخشی ایش شرایطینی یره‌تیش مقصدیده سعی و حرکت قیلماقده ایکن‌میز، امریکا و دنیا همجمعیت ایچکی ایشلریمیز گه اره‌لشمسلیک‌لری کیره‌ک.»
عین‌پیتده، پلیتیکو کونده‌لیگی افغانستان ده عیاللر گه یره‌تیلگن چیکلاولر باره‌سیده امریکا رسمی‌لری نینگ مصلحت قیلیش‌لری گه دایر گزارش ترقه‌تیب ایتیشیچه، امریکا حکومتی کیله‌سی هفته افغانستان خصوصیده بیرقطار قرارلرینی شریک قیلیشی کوتیله‌دی که اوشبو قرارلر اقتصادی تحریم، انسان پرورلیک یاردم‌لرنی کمه‌یتیریش و اسلام امیرلیگی رسمی‌لری نینگ سفر ممنوعیتی شامل بولیشی ممکن.
بیزلرنینگ توییترده هم تعقیب قیلینگ!
خلق‌ارا ایش بیلرمان محمود اضطرابی گه کوره: «امریکا استه_سیکین افغانستان وضعیتی و اوشبو تامان نینگ حرکت‌لری گه قره‌ب بو سیاست‌لرنی عملی قیلیشنی اویله‌ی من.»
عین‌حالده، خلق‌ارا تشکیلات‌لر تامانیدن ترقه‌لگن معلومات‌لر اساسیده، افغانستان ده قریب ۲۹ میلیون کیشی انسان پرورلیک یاردم گه محتاج دیر.