بیرلشگن ملتلر تشکیلاتینینگ خلقارا آزیق-آوقت دستوریگه کوره، بودجهنینگ جدی شکلده کمهیگنی سبب، بو ییل یاز موسومیده آچلیک بیلن روپهره بولگن قریب ۱۰ میلیون افغانستانلیکدن یالغیز بیر میلیونیگه یاردم بیره آلهدی.
بیرلشگن ملتلر تشکیلاتیگه تیگیشلی بولگن بو نهاد، اوتگن کون (۱۶-سرطان، دوشنبه)، اکس صحیفهسیده یازیشیچه، افغانستان ده یاردم بیریش فعالیتلری کمهیگن.
بیزلرنینگ «ایکس» ترماغی ده هم تعقیب قیلینگ!
خلقارا آزیق-آوقت دستورینینگ معلوماتی اساسیده، افغانستان ده میلیونلب کیشی انسانسیورلیک یاردم گه نیازی بار؛ بیراق ییترلی مالی منبع یوقلیگی، یاردم بیریش توغریسیده مذکور نهادنینگ امکانیتینی کمهیتیرگن.
بیرلشگن ملتلر تشکیلاتینینگ ایتیشیچه، میلادی ۲۰۲۵-ییلده افغانستان ده ۲۲ میلیوندن آرتیق کیشینینگ انسانسیورلیک یاردملرگه نیازی بار. شوندهی بیرحالده، خلقارا تشکیلاتلردهگی بودجه بحرانی، یاردم بیریش جریانینی قیینچیلیک بیلن روپهره قیلگن.
بیزلرنینگ فیسبوک صحیفهمیزگه باش اورینگ!
باشقه بیر تاماندن، سرپرست حکومت اقتصاد وزیرلیگی بوندن آلدین، اهالینینگ اقتصادی وضعیتی یخشیلنیشی اوچون آز مدتلی و اوزون مدتلی برنامهلری بولگنینی بیان قیلگن.
مذکور وزیرلیککه کوره، انسانسیورلیک یاردملر فقط آزمدتده تاثیر قیله آلهدی؛ بیراق اقتصادی خودکفالیککه ایریشیش اوچون بو یاردملرنینگ ترقیاتی لایحهلر و آستقورمهلر رواجلنیشیگه اختصاص بیریلیشی کیرهک.
