افغانستان‌ده بیرلشگن ملتلر تشکیلاتی‌نینگ باله‌لرنی قۉللب-قوتلش صندیغی (یونیسف)، خلق‌ارا اوقیش کونی مناسبتی بیلن، اوتگن میلادی ییل‌ده افغانستان‌ده سوو تاشقینلری ۱۱۰ مکتب گه ضرر یېتکیزگن یا-ده بوزگنینی معلوم قیلگن.
اوشبو نهاد، بوگون (۵-دلو، جمعه) وبسایتیده ترقه‌تگن گزارشی‌ده، افغانستان‌ده دهشتلی سوو تاشقینلری مینگلب اوقووچی‌نینگ اوقیش جریانینی قیینچیلیک بیلن روپه‌ره قیلگنینی یازگن.
بیزلرنینگ فیسبوک صحیفه‌میزگه باش اورینگ!
یونیسف‌نینگ گزارشی بیر بولیمیده کېلیشیچه: «باله‌لر آب‌وهوا گه باغلیق بحرانلر جمله‌دن کېتمه-کیت ایسیق، بوران، قوریقچیلیک و سوو تاشقینلری‌دن ضرر کوره‌دیلر.»
افغانستان‌ده بیرلشگن ملتلر تشکیلاتی‌نینگ باله‌لرنی قۉللب-قوتلش صندیغی، اوقیش ساحه‌سیده کوپراق سرمایه یاتقیزیلیشنی سوره‌گن.
مذکور نهادنینگ معلوماتی اساسیده، اوتگن میلادی ییل‌ده ۸۵ مملکت‌ده ۲۴۲ میلیون اوقووچی اقلیم اۉزگریشی جمله‌دن ایسیق و سوو تاشقینلری طفیلی اوقیش قیینچیلیگی بیلن روپه‌ره بولگنلر.
بیزلرنینگ «ایکس» ترماغی ده هم تعقیب قیلینگ!
یونیسف گه کوره، اوتگن میلادی ییل‌ده هر ییتّی اوقووچی‌دن بیر نفری آب‌وهوا اۉزگریشی باعث اوقیش‌دن محروم قالگن.
۲۴ جنوری، میلادی ۲۰۱۸ییل‌ده بیرلشگن ملتلر تشکیلاتی تامانیدن، خلق‌ارا اوقیش کونی صفتیده تن آلینگن.
