میلادی ۲۰۲۶-ییل جهان کپی حذفی باسقیچی اویینلری دوام ایتماقده ایکن، بعضی جماعهلر اوز رقیبلریگه غلبه قازانیب و ۱/۸ باسقیچیگه یول تاپدیلر.
اوشبو تورنمنتنینگ حذفی باسقیچیده کانادا ۱-۰ حسابیده جنوبی افریقا، برازیل ۲-۱ حسابیده جاپان گه غلبه قازانیب و کیینگی باسقیچ گه یول تاپدی. شونینگدیک جرمنی هم قانونی وقتلرده پاراگوای بیلن ۱-۱ حسابیده مساوی گه تن بیردی و نهایت اویین پنالتی گه تارتیلدی و جرمنی ایسه ۳-۴ حسابیده پاراگوای برابریده مغلوب بولدی. اوشبو اویینلر دوامیده هالند تیرمه جماعهسی هم مراکش بیلن ۱-۱ حسابیده مساوی قیلیب و پنالتیده ایسه مراکش ۳-۲ حسابیده غلبه قازاندی.
بو حسابلر بیلن کانادا، برازیل، پاراگوای و مراکش فوتبال ملی تیرمه جماعهلری ۱/۸ باسقیچی گه یول تاپدی و جنوبی افریقا، جاپان، جرمنی همده هالند ۲۰۲۶-ییل جهان کپی تورنمنتی بیلن خیرلشدی.
اوشبو تورنمنتنینگ حذفی باسقیچی اویینلری دوامیده اوشبو کیچه، ۹سرطان/۳۰ جون، سهشنبه) کابل وقتی بیلن ساعت ۹:۳۰ ده ساحل عاج-ناروی جماعهلری قرشیلشهدی.
تورکی دولتلر نمایندهلیگیدن اوزبیکستان ایلکبار و تورکیه ایسه ۲۴ ییل کوتیشدن سونگ ۲۰۲۶-ییل جهانی کپی تورنمنتی گه یول تاپگن ایدیلر، بیراق ایکیله جماعه گروهی باسقیچده حذف بولدی.
