غزنی شهیدلر و ناگرانلر ریاستی تامانیدن بوگون توش‌دن آلدین (۲۹-دلو، دوشنبه)، اوشبو ولایتده ناگران کیشیلر گه ۱۸۰ ویلچر ترقه‌تیلگن. غزنی شهیدلر و ناگرانلر باشلیغی محمدانور برادر‌نینگ سلام‌وطندار ایتیشیچه، مذکور ویلچرلر شهیدلر و ناگرانلر وزیرلیگی آرقهلی غزنی ولایتیدهگی ناگران کیشیلر اوچون نظرگه آلینگن.
اونینگ کوپه‌یتیریشیچه: «وزارت آرقهلی بیریلگن ۱۸۰ ویلچر‌نی ترقه‌تماقده‌میز. اوشبو ویلچرلر یوریش‌ده قیین‌چیلیک بیلن روپه‌ره بولگن و ویلچر گه نیازی بولگن ۱۸۰ کیشی اوچون دیر. انه شوو سبب حاضر ایسه نیازمند کیشیلر مذکور ویلچرلرنی ترقه‌تماقده‌میز.»
شونده‌ی بیرحالده، غزنی ولایتیدهگی ناگران کیشیلر ویلچرلر‌نینگ ترقه‌تیلگنی‌دن خورسندلیک قیلیب، بیراق کوپینچه اقتصادی و اجتماعی قیین‌چیلیکلر بیلن روپه‌ره بولگنلرینی بیان قیله‌دیلر.
بیزلرنینگ «ایکس» ترماغی ده هم تعقیب قیلینگ!
غزنی ولایتی خوگیانی تومنی‌ده ناگران کیشی‌لردن سردارمحمد و تورت ییل آلدین اوروشلرده فلج بولگن محمدنبی، اقتصادی قیین‌چیلیکلردن نالیب و ایتیشلریچه، آلتی آی‌دن بویان ناگرانلردن قطاری‌نینگ معاشی توللنمه‌گن.
سردارمحمد‌نینگ کوپه‌یتیریشیچه: «شو رقم اوی‌گه یاتگن‌مین، اویی‌میز‌ده ییتی عیال بار و هیچ نرسه‌میز یوق و هیچ کیم هم یاردم بیرمه‌یدی. هیچ کیمیم یوق. اوی‌گه یالغیز مین و ایناغه‌م هم یوق. دولت آی‌گه اوچ مینگ افغانی بیره‌دی و اوچ مینگ افغانی‌گه قوروق نان هم بولمه‌یدی، لیکن اوچ مینگ بیلن بیران قوروق نان آله‌ر ایدیک که اوشه هم یخشی ایدی.»
شونینگدیک محمدنبی‌‌نینگ کوپه‌یتیریشیچه: «آی‌ده بیریله‌دیگن معاشیمیز کوپ کیچیکتیریله‌دی. اینگ آخرگی مرته آلتی آی آلدین معاش آلگن ایدیک؛ معاشلرنینگ وقتی‌ده توللنیشی کیره‌ک. اقتصادی وضعیتیمیز قیین دیر و شونینگدیک معاشیمیز هم از دیر و کوپه‌یشی کیره‌ک. وضعیتیمیز جوده‌یم یامان دیر.»
غزنی ده‌گی ناگران کیشی‌لردن باشقه بیری ۲۲ یاشر محمد رضا، اقتصادی قیین‌چیلیکلرینی بیان قیلیب و ایتیشیچه، اوچ ییل آلدین ایشلاوچیلیک اوچون ایران باریشی پیتده، مذکور مملکت چیگره‌چیلری آرقهلی اوققه توتیلگنی سبب، یره‌له‌نیب و بیل بیلن ایکی ایاغی تامانیدن فلج بولگن.
اونینگ کوپه‌یتیریشیچه: «ایران تامان باره‌ر ایدیم، چیگره‌ده یره‌لندیم؛ بیل‌دن فلج بولدیم. اقتصادیمیز یخشی ایمس؛ قریب اوچ ییل بوله‌دی. چیگره‌ده اوق آتیلدی و یره‌لندیم. دولت ناگرانلر بولیمی‌ده یالغیز ییل‌ده ۴۰ مینگ افغانی بیره‌دی. اوشبو ۴۰ مینگ‌نی که آلتی آی‌دن کیین بیره‌دی، چاره بولمه‌یدی.»
شونده‌ی بیرحالده، غزنی شهیدلر و ناگرانلر ریاستی باشلیغی محمدانور برادر، اوشبو ولایتده ناگرانلر معاشی توللنمسلیگی توغریسیده سلام‌وطندار گه ایتیشیچه، حاضر ایسه غزنی ولایتی‌ده ۷ مینگ ۷۰۰ ناگران بار و شهیدلر و ناگرانلر وزیرلیگی موجود بودجه اساسیده ناگرانلر قیین‌چیلیگی نی حل قیلیش اوچون سعی‌وحرکت قیلماقده.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، سونگی نیچه آی‌ده ناگرانلردن قطاری‌نینگ قالگن معاشلری کیله‌سی ییل توللنه‌دی. «اوشبو ناگرانلر امارت ناگرانلری، ملکی ناگرانلری و سابق حکومت ناگران‌لریدن عبارت دیر. اولرنینگ قیین‌چیلیگی کوپ دیر؛ کسللر و دایم بیزلر تامان‌دن یاردم بیریلیشی‌‌گه امیدوارلر. بودجه کوپه‌یشی بیلن اولرنینگ ایکی آی‌لیک معاشلری توللنه‌دی. بلیکم اولردن قطاری مراجعت قیلمسلیک یا-ده توجه‌سیزلیک سبب بو یاردم‌لرنینگ قولگه کیلتیریشدن محروم قالسه.»
افغانستان سونگی نیچه دهه‌ده اوتگن اوروشلر و ناتینچ‌لیکلر سبب کوپینچه شهیدلر عایله‌لری و ناگرانلر گه ایگه بولگن مملکتلردن بولیب و جمعیت‌ده اولرنینگ ایسته‌کلری حل بولینیشی اوچون ییترلی بودجه و توغری مدیریت قیلینیش‌گه نیاز بار.
