پالیز اېکینلری میوه و سبزهواتلرنی بوگونگی کونده اېستهلگن فصلده دکانلردن تاپیش امکانی بولسهده، متخصصلر تروز (تربوز)نی عینن یاز موسمیده ییشنی توصیه قیلهدی. چونکه طبیعی یول بیلن پیشیب اېتیلگن تروزده آزوقه مادهلری توپلنیشی وقت، حرارت، نملیک و یاروغلیک درجهسی بیلن باغلیق بولهدی. باشقه فصللرده ایسیقخانهده یېتیشتیریلگن تروزلرده اېسه فایدهلی خصوصیتلر، طبیعی یېتیشتیریلگندن فرق قیلهدی.
فایدهلی جهتلری
ترکیبیده ۹۲٪ سوو بولگن تروز، ویتامینلرنینگ کانی حسابلنیب ارگانیزم فعالیتیده اهمیتلی حسابلنهدی. پتاسیم و مگنیزیم گه بای بولگن مذکور محصولات، عصب تیزیمی و میه فعالیتیگه ایجابی تأثیر کورستهدی. اوشبو مینراللر ایش ثمرهدارلیگینی آشیریب، خاطره و دقتنی یخشیلهیدی.
بیزلرنینگ فیسبوک صحیفهمیزگه باش اورینگ!
بوندن تشقری تروزنینگ انتی اکسیدان خصوصیتی هم یوقاری حسابلنهدی. ویتامین A و B کاروتئوید گه بای بولگن اوشبو محصولات، یلیغلنیش و ارگانیزمنینگ اېرته قریشینی آلدینی آلهدی. ترکیبیده سوو، ویتامین و مینراللر یوقاریلیگی اېسه، تیری سلامتلیگی و کورینیش گه هم تأثیر اۉتکزمهی قالمهیدی. حجرهلرنی ایچکی تاماندن نملنتیریب، تیری قریشی و اجین توشیشنینگ آلدینی آلهدی.
قالهویرسه، ترکیبیده موجود مادهلر عصب، یورهک قان-تامیر کسللیکلرینینگ آلدینی آلهدی و مستحکملهیدی و شو سبب هم نیچه یاش بولیشدن قطعی نظر، آلدینی آلووچی صفتیده تروز استعمال قیلیب یوریش توصیه قیلینهدی.
اوشبو پالیز اېکینی ترکیبیدهگی لیکوپن، ارگانیزمدهگی «یامان» کلسترول مقدارینی کمهیتیرهدی، قان-تامیر دیوارلرینی مستحکملب، اکسیدلنیش مناسبتلرینی آلدینی آلهدی.
بیزلرنینگ «ایکس» ترماغی ده هم تعقیب قیلینگ!
مقواگه بایلیگی سبب، کوز سلامتلیگیگه هم تأثیر اېتمهی قالمهیدی. فعال مادهلر یاش بیلن باغلیق کوز کسللیکلری خصوصن، مروارید سووینینگ آلدینی آلهدی، کوریش قابلیتینی یخشی لهیدی.
سپورت مشقلریدن کېین ارگانیزمدهگی سوو ذخیرهسینی تولدیریش و موشک (ماهیچه) تېکلنیشی اوچون هم تروزدن اعلاسی بولمهیدی. تروز سیترولین-اوسیملیک اکسید امین گه بای اېکنی سبب، موشک توقیمهلرینینگ قیته تېکلنیشینی تیزلشتیریب، جسمانی مشقلردن کېینگی آغریقلرنی کمهیتیرهدی.
