روسیه جمهور باشلیغی ولادیمیر پوتین، شمالی کوریا بیلن استراتیژیک بیتیم امضالگنیدن سۉنگ، بوگون (۳۱-جوزا، پنج‌شنبه) ایرته‌لب ویتنام گه سفر قیلگن.
رویترز آژانسی، پوتین جنابلری ویتنام کمونیست رهبرلری بیلن مذاکره قیلیش اوچون بو مملکت گه سفر قیلگنینی اېتگن.
بیزلرنینگ فیسبوک صحیفه‌میزگه باش اورینگ!
رویترز گه کوره، روسیه جمهور باشلیغی ویتنام نینگ اوکراین اوروشی گه نسبتن موازنتلی حرکتینی آلقیشله‌گن.
ویتنام حکومتی طرف‌سیز خارجی سیاست‌نی اېزله‌ماقده، روسیه نینگ اوکراین گه حربی هجومینی قاره لمه‌گن.
بو ۲۰۱۷ ییل دن بېری ولادیمیر پوتین نینگ ویتنام گه بیرینچی سفری دیر.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، روسیه جمهور باشلیغی ولادیمیر پوتین ۲۹-جوزا، سه‌شنبه کونی شمالی کوریا گه سفر قیلیب و اوشبو مملکت نینگ ییریک عملدارلری بیلن تورلی ساحه‌لر اینیقسه حربی و اقتصاد بوییچه شرطنامه امضالب و اوندن کېین ویتنام گه سفر قیلگن.
بوندن ایلگری روسیه یېتکرمه‌لری اوشبو مملکت دولت رهبری ولادیمیر پوتین شمالی کوریا و ویتنام گه سفر قیلیشی حقیده خبر بیرگن اېدیلر.