میدان‌وردک ده آلمه حاصلاتی کوپه‌یگنی بیلن بیرگه، اوشبو ولایت‌ده‌گی باغ‌دارلردن قطاری محصوللری سقلنیشی اوچون ستندرد ساووق‌خانه‌لر یوقلیگی‌دن شکایت قیله‌دیلر.
میدان‌وردک‌ده‌گی باغ‌دارلردن ریدی‌گل نینگ ایتیشیچه، جاری قویاش ییل‌ده باغ‌لریدن یخشی حاصل قولگه کیلتیرگنی بیرحالده، بیراق ساووق‌خانه بیلن ساتیلیش اوچون بازار یوقلیگی سبب محصوللریدن بیر قسمی خراب بولگن. «میدان‌وردک‌ده آلمه حاصلاتی سیزیلرلی درجه‌ده کوپه‌یگن، بیراق بازار و ساووق‌خانه یوقلیگی و قوروق‌چیلیک، حاصلاتی‌میز گه تاثیر قویگن. آلمه سقلنیشی اوچون ستندرد ساووق‌خانه‌لر قوریلیشی کیره‌ک.»
بیزلرنینگ فیسبوک صحیفه‌میزگه باش اورینگ!
ایکینچیلیک محصوللری سقلنیشی اوچون ساووق‌خانه‌لر یوقلیگی، افغانستان ایکینچیلیک سکتوری برابریده‌گی اینگ جدی قیین‌چیلیکلردن دیر که، میوه‌لر و باشقه ایکینچیلیک محصوللر نینگ خراب بولیشی یا-ده آز قیمت بیلن ساتیلیشی‌گه سبب بوله‌دی.
میدان‌وردک ده‌گی باغ‌دارلردن باشقه بیری نعمت‌الله نینگ ایتیشیچه، آلمه سقلنیشی اوچون ساووق‌خانه‌لر یوقلیگی، بو میوه قیمتی نینگ کمه‌یشی گه سبب بولگن.
اونینگ کوپه‌یتیریشیچه: «آلمه‌لر ستندرد شکلده درخت‌دن ییغیله‌دی و کارتن‌لر گه قوییله‌دی. کارتن ایچیده هوا یاپیق و محصول نینگ بیر آی‌دن کیین ساتیلیش اوچون بازار گه یوبارگنیمیزده، اونینگ قیمتی کمه‌یه‌دی.»
اوشبو باغدارلر میدان‌وردک ایکینچیلیک، سووغاریش و چاروهچیلیک ریاستی‌دن، محصوللری سقلنیشی اوچون ستندرد ساووق‌خانه‌لر قوریلیشینی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
میدان‌وردک ایکینچیلیک، سووغاریش و چاروهچیلیک ریاستی نینگ ایکینچیلیک ایشلری بوییچه آمری عید‌محمد ظاهری نینگ ایتیشیچه، باغ‌دارلرنی قوللب-قوتلش مقصد، بو ولایت‌ده ایکی مینگ ۵۰۰ متریک تُن آلمه نینگ سقلش امکانیتی گه ایگه بولگن اوچ‌ته ستندرد ساووق‌خانه قوریلگن.
جناب ظاهری نینگ کوپه‌یتیریشیچه: «آلمه حاصلاتی کوپه‌یگن و اونینگ سببی هم ایکینچیلیک ریاستی تامانیدن باغدارلر گه مصلحت بیریش دیر. خوش‌بختانه میدان‌وردک‌ده باشقه میوه‌لر یانیده آلمه کوپ شهرت گه ایگه دیر و شونینگدیک عایله‌لردن کوپ قطاری بو یول آرقه‌لی حیات کیچیره‌دیلر، بیراق بازار تاپیش بولیمی‌ده قیین‌چیلیگیمیز بار.»
میدان‌وردک ایکینچیلیک، سووغاریش و چاروهچیلیک ریاستی نینگ ایکینچیلیک ایشلری بوییچه آمری گه کوره، جاری قویاش ییل‌ده میدان‌وردک‌ده آلمه حاصلاتی ۳۰ فایز کوپه‌یگن و بو ولایت‌ده‌گی آلمه باغ‌لریدن ۱۵۰ مینگ متریک تُن آلمه قویگه کیلیشی پیش‌بینلیک بولگن.
شونده‌ی بیرحالده، میدان‌وردک ده ایکینچیلیک ایش بیلرمانلریدن وحید‌الله نینگ ایتیشیچه، باغدارلر محصوللری گه ساتیلیش بازار یره‌تیلگنی و ستندرد ساووق‌خانه‌لر قوریلگنی‌ده، بو ولایت ایکینچیلیک محصوللری نینگ رواجلنیشی ممکن. «میدان‌وردک ده باغدارلر آلمه نی ستندرد بولمه‌گن ساووق‌خانه‌لر گه سقله‌یدیلر که حاصللریدن کوپینچه‌سی خراب بوله‌دی. میدان‌وردک نینگ هواسی ساووق دیر و بو ولایت نینگ اوی‌لریده برق یوق و مسلکی کیشیلر هم ایشلمه‌یدی.»
بوندن آلدین لوگر، سرپل، پکتیا، غزنی و باشقه ولایت‌لرده‌گی ایکینچیلر هم، محصوللری سقلنیشی اوچون ساووق‌خانه‌لر قوریلیشینی ایسته‌گن ایدیلر.
