اوزبیکستان تشقی ایشلر وزیرلیگی، افغانستان و پاکستان اورتهسیده وضعیت کیسکینلشهیاتگنیدن چقور خواطردهلیگینی بیلدیریب و اوتیش آتیشنی درحال توختهتیشگه چقیردی.
اوشبو وزیرلیک، بوگون (۸ حوت/۲۷ فبروری، جمعه) ترقهتگن بیاناتیده، بو مملکت قوشنی ایکی مملکت اورتهسیده وضعیت کیسکینلشهیاتگنیدن چقور خواطردهلیگینی بیلدیریب و برچه کیلیشماوچیلیکلر فقط تینچ یول بیلن، سیاسی و دیپلماتیک ملاقاتلر آرقهلی، و اوز ارا حرمت قاعدهلری اساسیده حل ایتیلیشی لازملیگینی تأکیدلهگن.
اسلام امیرلیگی کوچلری بعضی ولایتلر جملهدن پکتیا ولایتی دندپتان تومنی و ننگرهار ولایتی نازیان تومنیده «قصاص آلیش» ایکینچی هجوملرینی باشلهگن.
اسلام امیرلیگی، بو هجوملر پاکستان حربی کوچلرینینگ اوتگن کیچه کابل، قندهار و پکتیاده اویوشتیرگن هوا هجوملریگه جواب عملگه آشیریلگنینی ایتگن.
