اۉزبېک تیلینینگ ملی کونیدن، تورکیهنینگ استانبول شهریده اوشبو مملکت عملدارلری، افغانستان، اۉزبېکستان، آذربایجان، قزاقستان، سوریه و عراق تورکلری، شرقی تورکستان مدنی جمعیتلری وکیللری، عالملر و عیاللر اشتراکی بیلن نشانلندی.
بو تدبیر، ۲۶-میزان، شنبه کونی محلی وقت بیلن تورکستان ایللری اوقوو، کلتور و خیریه جمعیتی تشبثی بیلن، استانبولده یشهیاتگن افغانستانلیک تورک اویوشمهلر همکارلیگیده اۉتکزیلگن.
اوشبو تدبیرده چیقیش قیلگنلر، اۉزبېک تیلینینگ تاریخی، بوگونگی حالتی و تورکی خلقلرنینگ بای مدنی میراثی حقیده به تفصیل معلومات بیرگنلر.
تدبیر دوامیده، اۉزبېک تیلیگه بغیشلنگن شعرلر و قوشیقلر اجرا اېتیلیب، شونینگدیک افغانستان اۉزبېک خلقی گه عاید کییم-کیچکلر و تورلی قسم طعاملر کورگزمهسی هم اۉتکزیلگن.
تدبیر اۉتکزیلگن کیچه دوامی، تورک دنیاسینینگ مشهور صنعتکاری یوسف آلپرنینگ جوشقین کنسرتی بیلن دوام اېتگن.
