بلخ ولایتی محلی مسئوللری، سودا مناسبتلرنی کینگهیتیریش مقصدیده افغانستان و اوزبیکستان سوداگرلری قوشمه ییغیلیش اوتکزگنیدن خبر بیردیلر.
بلخ سودا و سرمایه کیریتیش اتاق اورین باسری هارون رشید قاضی گه کوره، «ایکی مملکت اورتهسیده سودا باغلنیش» آتیده اوشبو ییغیلیش، ۲۶ دلو/۱۶ فبروری، یکشنبه کونی مزارشریف شهریده اوتکزیلگن.
قاضی جنابلری، بو قوشمه ییغیلیش افغانستان و اوزبیکستان اورتهسیده سودا، سیاست و مدنیت مناسبتلرنی کینگهیتیریش مقصدیده اوتکزیلگنینی قوشیمچه قیلگن.
اوشبو ییغیلیشده، ایکینچیلیک، انشاآت، دارو، نفت، آزیق-آوقت و باشقه بولیملرده سودا و سرمایه کیریتیش فرصتلری حقیده بحث ایتیلگن.
اوزبیکستان، افغانستان اسلام امیرلیگینی تن آلگن بولمسه-ده، بیراق بو مملکت بیلن تورلی ساحهده همکارلیگی بولگن مملکتلردن حسابلنهدی.
