امریکا قۉشمه ایالتلرینینگ تشقی ایشلر وزیرلیگی، اوکرایننینگ روسیه بیلن ۳۰ کونلیک آتیش کېسین قیلیش گه راضیلیگیدن خبر بیرگن.
امریکا تشقی ایشلر وزیرلیگی، ۲۱-حوت، سهشنبه کونی، سعودی عربستاننینگ جده شهریده اوکراین و بو مملکت رسمیلری اورتهسیده اوتکزیلگن مذاکرهده، اوکراینده صلح برقرار اېتیلیشی و روسیه بیلن آتیش کېسین قیلیش اوچون مهم حرکتلر بولگنینی معلوم قیلگن.
بیزلرنینگ فیسبوک صحیفهمیزگه باش اورینگ!
مذکور وزیرلیکنینگ معلوماتی اساسیده، اوکراین جده شهریده اوتکزیلگن مذاکرهده، روسیه بیلن ۳۰ کونلیک آتیش کېسین قیلیش گه راضیلیک کورستگن.
اوکراین هم، بوتوغریده امریکانینگ تکلیفینی قبول قیلگنینی تصدیقلهگن.
معلوماتلر گه کوره، بو کېلیشوو روسیه تامانیدن تصدیقلنیشی اوچون تیزلیک بیلن مسکو گه اوزهتیلهدی.
سعودی عربستان جده شهریده امریکا و اوکراین رسمیلری سکیز ساعت مذاکرهدن کېین، تامانلر اوکرایننینگ قیمت بها کانلری قازیب چیقریلیشی گه کېلیشگنلر.
بیزلرنینگ «ایکس» ترماغی ده هم تعقیب قیلینگ!
امریکا تشقی ایشلر وزیرلیگی گه کوره، اوکراین روسیه بیلن دایمی صلح برقرار اېتیلیش مذاکرهلرنی باشلش اوچون بیر تیم ایجاد اېتیشی ممکن.
روسیه و اوکراین اورتهسیدهگی اوروش، میلادی ۲۰۲۲-ییل، فبروری آییده باشلندی و همان دوام اېتماقده. بو اوروش گه چېک قوییش اوچون دیپلماتیک یولی آرقهلی برچه سعی-حرکتلر حاضرگچه نتیجه بیرمهگن.
