افغانستان تینچلیک جریانی بوییچه آمریکا خاص نماینده‌سی زلمی خلیلزاد، هلمند ولایتیده آمریکا حربی‌لری تامانیدن هوایی هجوم اویوشتیریلگنی خصوصیده طالبان ادعاسینی اساس‌سیز دیب و طالبان گروهی نینگ بونده‌ی ادعالری تینچلیک جریانی‌گه زیان ییتیشتیره‌دی دیگن.
اوتگن “یکشنبه” کونی طالبان سوزلاوچیسی قاری یوسف احمدی، بیر اعلامیه آرقه‌لی آمریکا نی تهدید قیلیب و طالبان جنگریلریگه قرشی آمریکا نینگ هوایی هجومی جواب سیز قولمه‌یدی دیگن ایدی.
جناب احمدی‌گه کوره، واشنگتن بونده‌ی حرکت‌لری بیلن دوحه‌ده امضالنگن شرطنامه‌نی نقض قیلگن دیر.
بوگون “دوشنبه” افغانستان تینچلیک جریانی بوییچه آمریکا خاص نماینده‌سی نینگ توییتر صیحفه‌سیده یازیشیچه: «آمریکا و طالبان آره‌سیده امضالنگن شرطنامه و شونینگدیک، آمریکا و افغانستان حکومتی آره‌سیده امضالنگن شرطنامه‌گه عمل قیلیشی‌میز کیره‌ک و زوروانلیک کمه‌یتیریلیشی خصوصیده تعهدلی بولگنی‌میزنی ایسدن چیقارمه‌یشی‌میز لازم.»
جناب خلیلزاد‌گه کوره، افغانستانده‌گی زوروانلیک‌لر امریکا بیلن طالبان گروهی آره‌سیده بولگن شرطنامه اوچون کته تهدید دیر.
افغانستان تینچلیک جریانی بوییچه آمریکا خاص نماینده‌سی زلمی خلیلزادنینگ کوپه‌یتیریشیچه، طالبان گروهی نینگ هلمند مرکزی لشکرگاه شهری اوستیده‌گی هجوم‌لری سبب، مذاکره قیلووچی هیات‌لر دوحه شهریده ییغین اوتکزگن.
جناب خلیلزاد نینگ ایتیشیچه، برچه تامان‌لر ییر و هوایی هجوملر کمه‌یتیریلیشی خصوصیده کیلیشگن‌لر. اونینگ کوپه‌یتیریشیچه، هلمند ولایتیده زوروانلیک‌لر کمه‌یتیریلگن لیکن افغانستان بوییچه کمه‌یتیریلگن ایمس.