آلتی آی آلدین ارزگان ولایتیده یوز بیرگن سوو تاشقینلر نتیجه‌سیده یشش اوینی قولدن بیرگن مذکور ولایت یشاوچیسی بولمیش ۵۵ یاشر ولی‌جان نینگ ایتیشیچه، حاضرگچه اوزی و عایله‌سی اوچون یشش اوی قوره آلمه‌گن. اونینگ کوپه‌یتیریشیچه، یشش اوی قوریش اوچون امکانیتی یوق و بو توغریده حکومت آرقه‌لی هیچ قنده‌ی یاردم هم قولگه کیلتیرمه‌گن.
ولی‌جان عایله‌سی وضعیتی خصوصیده توجه‌سیزلیک‌دن شکایت قیلیب و ایتیشیچه: «بو مینی اوییم دیر که آلتی آی آلدین سوو تاشقینلر نتیجه‌سیده ویران بولگن؛ قیته قوریلیشی اوچون امکانیتیم یوق. بو وضعیت‌ده کیچیک باله‌لریم بیلن حیات کیچیره‌من.»
بیزلرنینگ «ایکس» ترماغی ده هم تعقیب قیلینگ!
شونینگدیک سوو تاشقینلر نتیجه‌سیده اویی ویران بولگن ارزگان یشاوچیلریدن عبدالمتین و محمدقاسم، سرپرست حکومت و یاردم بیرووچی نهادلر آرقه‌لی همکارلیک بولینیشی نی ایسته‌گنلر.
عبدالمتین نینگ ایتیشیچه: «سوو تاشقینلر نتیجه‌سیده کوپینچه زیان کوردیک؛ تورت آی بوله‌دی که باش‌پنه‌سیز قالگن‌میز. هیچ کیم فکریمیز گه ایمس. بیزلر گه یاردم بیریلیشی نی ایسته‌یمیز.»
شونینگدیک محمدقاسم نینگ ایتیشیچه: «منطقه‌میزده قریب ۲۰۰ اوی خراب بولگن و شو رقم اهالی ایکین‌زارلری گه کوپینچه زیان ییتیشگن.»
شونده‌ی بیرحالده، ارزگان ده محلی مسئوللر نینگ ایتیشلریچه، سونگی آلتی آیده اوشبو ولایت‌ده یوز بیرگن سوو تاشقینلر نتیجه‌سیده، ۱۲۰۰ یشش اوی بوتونلی و ۸۰۰دن آرتیق یشش اوی ایسه قسما ویران بولگن.
ارزگان طبیعی حادثه‌لر گه قرشی کوره‌ش باشلیغی عبدالله خالد نینگ ایتیشیچه، اولر حاضرگچه سوو تاشقینی‌دن زیان کورگن ۱۴۰۰ عایله گه یاردم بیرگنلر.
بیزلرنینگ فیسبوک صحیفه‌میزگه باش اورینگ!
خالد نینگ کوپه‌یتیریشیچه: «سوو تاشقینلر نتیجه‌سیده ۸۶۶ یشش اوی قسما و ۱۲۳۰ یشش اوی ایسه بوتونلی شکلده ویران بولگن. ۵۶۰ عایله گه یاردم بیردیک. شونینگدیک سوو تاشقینلر نتیجه‌سیده‌گی زیان‌مند ۸۴۰ عایله گه یاردم ترقه‌تیلگن.»
ارزگان طبیعی حادثه‌لر گه قرشی کوره‌ش ریاستی آرقه‌لی ارائه بولگن معلومات اساسیده، سونگی آلتی آیده طبیعی حادثه‌لر طفیلی مالی زیان‌لر یانیده، ۲۶ کیشی اولیب و باشقه ۱۹ کیشی ایسه یره‌لنگن.
