بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، کیلهسی میلادی ییلده افغانستان ده ۶.۵ میلیون باله شامل ۱۲ میلیون کیشیگه اساسی خذمتلر و حیاتی نیازلرنی تامینلش اوچون ۹۵۰ میلیون دالرلیک بودجه گه نیازی بارلیگینی معلوم قیلگن.
یونیسفنینگ بوگون (۲۵-قوس، سهشنبه)، بیر گزارش آرقهلی یازیشیچه، افغانستان حاضرگچه طبیعی آفتلر، ضعیف اقتصاد، اساسی خذمتلردن فایدهلنیش امکانیتلری چیکلنگنی و اقلیم اوزگریشلری شامل بیر قطار انقراض بیلن روپهره دیر.
یونیسفگه کوره، کیلهسی میلادی ییلده افغانستان ده قریب ۲۱.۹ میلیون کیشینینگ انسانسیورلیک یاردملرگه نیازی بولیشی ممکن که اولردن ۱۱.۶ میلیونینی بالهلر تشکیل بیرهدی.
شونینگدیک بیرلشگن ملتلر تشکیلاتینینگ بالهلرنی قوللب-قوتلاوچی صندیغی، سوو، ساغلیق و یشش محیط بولیمیده سرمایه یاتقیزیلیش کملیگیدن خواطر بیلدیریب، کیتمه-کیت اقلیمی قیینچیلیکلر بو وضعیتنی یامانلشتیریب و انسانسیورلیک یاردملرگه نیازلرنینگ کوپهیتیرگنینی معلوم قیلگن.
