بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، میلادی ۲۰۲۶-ییلده آغیر توییب آوقتلنمهیدیگن ۱.۳ میلیون بالهنینگ دوالنیش آستیگه قوییشینی معلوم قیلگن.
یونیسفنینگ بوگون (۱۳-ثور/۳-می، یکشنبه)، اکس صحیفهسیده یازیشیچه، توییب آوقتلنمهیدیگن بالهلر، اویده صرفلهنیشگه تیار دوالنیش آزیق-آوقتنی قولگه کیلتیرهدیلر.
یونیسفگه کوره، اوشبو دستور آسیا بوییچه ترقیاتی بانکی حمایتی بیلن عملگه آشیریلیب و اوندن مقصد، افغانستان بویلب بالهلرنینگ دوالنیش خذمتلریدن فایدهلنیش امکانیتی کوچهیشی دیر.
بوندن آلدین، بیرلشگن ملتلر تشکیلاتی، میلادی ۲۰۲۶-ییلده افغانستان ده بیش یاشنی تولدیرمهگن قریب ۳.۷ میلیون بالهنینگ آغیر توییب آوقتلنمسلیککه چلینیشی ممکن دیگن ایدی.
