بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، سمنگان ده یوز بیرگن سونگی زلزلهدن جبرلنگن بالهلرگه شاشلینچ یاردملر کورسهتیشینی معلوم قیلگن.
افغانستان ده یونیسف باشلیغی تاجالدین اویواله، یوز بیرگن زلزلهدن زیان کورگن سمنگان ولایتی فقیرآباد قیشلاغینی کوریب چیققن.
اویوالهنینگ ایتیشیچه، افغانستان شمالیدهگی سونگی زلزلهدن جبرلنگن بالهلر و عایلهلرنینگ کوپینچه قوللب-قوتلهنیشگه نیازی بار.
اونگه کوره، یونیسف افغانستاننینگ شمالیده بالهلر گه ایسیق نرسهلر و باشپنه تامینلش مقصدیده، قیش کییملری و نقدی یاردملرنی ترقهتماقده.
۱۲-عقرب، افغانستاننینگ شمالی ولایتلریدن بیر قطاریده ۶.۳ درجه ریشترلیک زلزله یوز بیرگن. بو واقعهده ۲۷ کیشی اولیب، بیش مینگدن آرتیق کیشی یرهلنگن و شونینگدیک قریب ایکی مینگ یشش اوی ویران بولگن.
