افغانستان اوچون بیرلشگن ملتلر تشکیلاتینینگ اورینباسرلیک هیئت ادارهسی (یوناما)، اوشبو مملکت جمعیتیدن قریب اوچدن بیرینینگ ایچیملیک سوودن فایدهلنه آلمسلیگینی معلوم قیلگن.
یوناما، ۲۵-جوزا، یکشنبه کونی بیر گزارش ترقهتیب ایتیشیچه، افغانستان ده ۱۰ میلیوندن آرتیق کیشی ناساغلام سوو منبعلریدن فایدهلنهدی.
بیزلرنینگ «ایکس» ترماغی ده هم تعقیب قیلینگ!
گزارشده کیلیشیچه، افغانستان ده بیر قطار یوتوقلر بولگنی بیلن، بیراق سوو بحرانی حاضرگچه قیشلاق یشاوچیلری اینیقسه بالهلر و عیاللرگه آغیر باسیم کیلتیرهدی.
یوناما، اوروش و قوروقچیلیک نتیجهسیده سوو ییتکزیش آستقورمهلرنینگ بوزیلگنیگه اشاره قیلیب و ایتیشیچه، بیرلشگن ملتلر تشکیلاتی مذکور قوریلمهلرنی قوریش و قیته قوریش اوچون سعیوحرکت قیلماقده.
بیزلرنینگ فیسبوک صحیفهمیزگه باش اورینگ!
بو گزارش اساسیده، بیرلشگن ملتلر تشکیلاتی ۲۰۲۶-ییلگه قدر افغانستان ده بیش میلیوندن آرتیق کیشیگه ساغلیق خذمتلرنی کوپهیتیریش و شونینگدیک سوو منبعلرینی برقرار مدیریت قیلیش اوچون محل جمعیتینینگ ظرفیتینی آشیریش مقصد سعیوحرکت قیلهدی.
بوندن آلدین «مرسی کورپس» نادولتی تشکیلاتی، کابل ده ییر آستی سوو منبعلریدن فایدهلنیش مقداری، طبیعی روشده تامینلنیش مقداریدن کوپ بولگنی و مذکور شهریدهگی سوو قودوقلرینینگ قریب یریمی قوریب قالگنیدن خبر بیرگنی بیرحالده، یونامانینگ اوشبو آگاهلنتیریشی بیان بولگن.
