ناتو نینگ افغانستانده‌گی ملکی نماینده‌سی استفانو پونتیکورو بیر توییت آرقه‌لی، کابل غربیده‌گی تعلیمی مرکزده یوز بیرگن خودکش هجوم‌نی قاره‌لب و گناه‌سیز ییگیت‌لرنینگ اولدیریلیشی قابل قبول ایمس دیگن.
شونینگدیک، بیرلشگن ملت‌لر تشکیلاتی نینگ اورین‌باسرلیک هیأتی یا-ده یوناما بیر اعلامیه نشر قیلیب، کابل غربیده یوز بیرگن خودکش هجوم نی قاره‌لب و بو هجوم‌نی اوروش جنایتی عنوان قیلیب واقعه عامل‌لری قولگه آلینیشی‌نی سوره‌گن.
یوناما، زوروانلیک کمه‌یتیریلیشی اوچون سعی و حرکت‌لر ایکی برابر کوپه‌یشی اوستیگه تاکید ایتیب و مذاکره قیلووچی هیات لردن کیلیشوولرینی سوره‌گن.
عین‌حالده، پاکستان تشقی ایش‌لر وزیرلیگی، کابل غربیده جایلشگن “کوثر دانش” تعلیمی مرکز اوستیگه اویوشتیریلگن هجوم‌نی ” غیر انسانی و تروریستی” بیر عمل عنوان قیلگن.
شونینگدیک، ایران نینگ کابلده‌گی ایلچی‌لیگی هم توییتر صحیفه‌سیدن بیر اعلامیه ترقه‌تیب اوتگن کونی یوز بیرگن هجوم‌نی ” هلاکتلی” عنوان قیلگن.
بیر خودکش هجوم‌چی اوتگن “شنبه” کونی شام چاغیده ” کوثر دانش” تعلیمی مرکزنینگ کوچه‌سیده اوزینی پارتلتگن.
مملکت ایچکی ایش‌لر وزیرلیگی تمانیدن ترقلگن گزارش‌گه، اوشبو حادثه‌ده ۱۶ کیشی هلاک و ۵۷ کیشی یره‌لنگن.
حادثه یوز بیرگنیدن نیچه ساعت کیین داعش گروهی اوشبو هجوم مسوولیتی‌نی بوینیگه آلگن.