افغانستان ده بیرلشگن ملتلر تشکیلاتی اورین‌باسرلیک هیئت دفتری (یوناما) باشلیغی روزا اوتونبایوا‌نینگ ایتیشیچه، افغانستان گه انسان‌پرورلیک یاردم‌لر گه نسبت ترقیاتی یاردم‌لر میزانی کوپه‌یگن.
اسلام امیرلیگی تشقی ایشلر وزیرلیگی، بوگون (۳-دلو، چهارشنبه)، اوز اکس صحیفه‌سیده بیر بیانیه ترقه‌تیب یازیشیچه، اوتونبایوا بو موضوع‌نی مذکور وزیرلیک سرپرستی امیرخان متقی بیلن اوچره‌شگنی‌ده بیان قیلیب و افغانستان گه بیرلشگن ملتلر تشکیلاتی‌نینگ ترقیاتی یاردم‌لری دوام قیلیشینی اَیتگن.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «اوتونبایوا خلق‌ارا ییغین‌لرده اسلام امیرلیگی‌نینگ اقتصادی یوتوقلرینی بیان قیلیشی خصوصیده سوز بیرگن.»
شونینگدیک مذکور اوچره‌شووده، تشقی ایشلر وزیرلیگی سرپرستی امیرخان متقی‌نینگ ایتیشیچه، افغانستان اقتصادی ثبات گه ایریشگن و اقتصادی ترقیات توغریسیده بیر قطار برنامه‌لر عمل‌گه آشیریلماقده که اونینگ عمل‌گه آشیریلیشی بیلن، اوشبو مملکت اقتصادی‌نینگ تیز شکلده رواجلنیشی ممکن.
بیزلرنینگ فیسبوک صحیفه‌میزگه باش اورینگ!
بوندن آلدین هم، اقتصاد وزیرلیگی سرپرستی دین‌محمد حنیف، بیرلشگن ملتلر تشکیلاتی‌دن افغانستان ده قشاق‌لیک سطحی کمه‌یشی اوچون جاری میلادی ییل‌ده بو مملکت‌ده ترقیاتی لایحه‌لر‌نینگ عمل‌گه آشیریلیشی‌گه کوپراق توجه قره‌تیشلرینی ایسته‌گن ایدی.
