بیرلشگن ملتلر تشکیلاتینینگ اوی-جای دستوری کوره، اوی، ییر و اساسی خذمتلردن برابر شکلده فایدهلنه آلمسلیک، افغانستان یشاوچیلریدن قطارینی ایچیملیک سوودن محروم قیلگن.
مذکور نهادنینگ بوگون (۳-حمل/ ۲۳-مارچ، دوشنبه)، اکس صحیفهسیده یازیشیچه، اوی-جایدن فایدهلنیشده تینگسیزلیک، افغانستان یشاوچیلریدن قطارینینگ ساغلیقنی سقلش خذمتلریدن محروم قالیشیگه سبب بولگن.
بیرلشگن ملتلر تشکیلاتی اوی-جای دستورینینگ ایتیشیچه، سوو و ساغلیقنی سقلش خذمتلریدن فایدهلنه آلیش یالغیز آستقورمه مسئلهسی ایمس، بلکیم برابرلیک، کرامت و انسانی حقوق گه تیگیشلی بیر موضوع حسابلنهدی.
ایچیملیک سوودن فایدهلنیش توغریسیدهگی چیکلاولر، افغانستان یشاوچیلری اینیقسه قیشلاق منطقهلریدهگی کیشیلرنینگ جدی قیینچیلیکلریدن دیر. خلقارا نهادلرنینگ گزارشی اساسیده، میلیونلب کیشی حاضرگچه ایچیملیک سوو منبعلریدن محروم دیر.
کیتمه-کیت قوروقچیلیکلر، ییر آستی سوو منبعلری کمهیگنی و سوو ییتکزیش ستندرد آستقورمهلر یوقلیگی، افغانستان دهگی اوشبو بحران اصلی عامللریدن حسابلنهدی.
بوندن آلدین اروپا بیرلشمهسی، ۲۱ میلیوندن آرتیق افغانستانلیکنینگ ایچیملیک سوودن فایدهلنه آلمسلیگینی معلوم قیلگن ایدی.
