بیرلشگن ملتلر تشکیلاتی، افغانستانده بالهلر و عیاللر اورتهسیده یوزهگه کېلگن توییب آوقتلنمسلیک انقراضی گه قرشی کورهشیش اوچون، توییب آوقتلنمسلیک ساحهسیده قطعی چارهلر کوریلیشینی سورهگن.
بیرلشگن ملتلر تشکیلاتینینگ بالهلرنی قۉللب-قوتلش صندیغی، خلقارا ساغلیقنی سقلش تشکیلاتی، خلقارا آزیق-آوقت دستوری، بیرلشگن ملتلر تشکیلاتینینگ آزیق-آوقت و ایکینچیلیک دستوری و بیرلشگن ملتلر تشکیلاتی جمعیت صندیغی، بوگون (۲۵-جوزا، یکشنبه) قۉشمه بیانیه صادر قیلیب، توییب آوقتلنمسلیک ساحهسیده ثمرهلی چاره-تدبیرلر کوریلیشینی اېستهگنلر.
بیرلشگن ملتلر تشکیلاتینینگ مذکور نهادلری، انسانلر حیاتینی سقلب قالیش و توییب آوقتلنمسلیک انقراضینینگ ضررلی تأثیرلرینی کمهیتیریش اوچون خلقارا، ملی و محلی مالیهوی تیزکار یارم کورسهتیشلری ضرور دیر.
بیانیهده، افغانستان ۱۵ مملکت اورتهسیده بالهلر اېنگ کوپ توییب آوقتلنمهیدیگن مملکتلر قطاریگه کېریشی قید اېتیلگن. «بوگون افغانستانده بیش یاشنی تولدیرمهگن ۳.۵ میلیون باله توییب آوقتلنمسلیک انقراضی گه دوچ – اولرنینگ ۱.۴ میلیونینی اولیم خوفی تهدید قیلماقدهلیگی قید اېتیلگن.
بیانیه اساسیده، افغانستانده هر ۱۰ عیالدن تورت نفری توییب آوقتلنمسلیک بیلن دوچ و اولرنینگ توییب آوقتلنیشی اوچون یېترلیچه اعتبار بیریلمهیدی.
بیزلرنینگ فیسبوک صحیفهمیزگه باش اورینگ!
بیانیهده کېلیشیچه، آزیق-آوقت خوفسیزلیگی یوقاریلیگی، اساسن قوریقچیلیک کبی اقتصاد ضعیفلیگی و طبیعی حادثهلردن کېلیب چیقهدی، ۹.۸ میلیون کیشینی جدی توییب آوقتلنمسلیک حالتیگه آلیب کېلگن. شونینگدیک، افغانستانده هر ۱۰ بالهدن توقیز باله – قریب ۲.۱ میلیوننی تشکیل بیرهدی بالهلر آوقتی کمبغللیگیگه دوچ قیلگن. «بو بالهلر اوسیش و وایه گه یېتیشیش اوچون احتیاجلری بولگن تورلی آوقتلردن فایدهلنه آلمهیدی و کوپینچه پیتلر تورت خیل گه چېکلنگن آوقت رژیمیدن فایدهلنهدیلر و بعضی کونلرده اوندن کمراق فایدهلنهدیلر.»
بیانیه اساسیده، بیرلشگن ملتلر تشکیلاتینینگ اوشبو نهادلری آزیق-آوقت، ایکینچیلیک، ساغلیق و آوقتلنیش، سوو و طبی قاعده، شونینگدیک بالهلرنینگ توییب آوقتلنمسلیگی و باشقه تورلی آوقتلنمسلیک واقعهلرنی وقتیده آلدینی آلیش کبی اجتماعی و اوقیش حمایتی تیزیملر گه کوپراق اعتبار بیرهدیلر.
افغانستانده بیرلشگن ملتلر تشکیلاتی جمعیت صندیغی وکیلی کوابینا آسانته تیامو گه کوره: «افغانستانده آنهنینگ یخشی آوقتلنیشی آنه و چقهلاق ساغلاملیگی اوچون حیاتی دیر. آنهنینگ یخشی آوقتلنمسلیگی نهفقط آنهلرنینگ اولیم خوفینی آشیرهدی، بلکه ضعیف چقهلاق دنیا گه کېلیشی گه سبب بولهدی. حاملهدار و چقهلاققه سوت بیرهدیگن عیاللر عایلهلر و جمعیت تامانیدن قۉللب-قوتلنیشی درکار. بیرلشگن ملتلر تشکیلاتی جمعیت صندیغی، همکار نهادلر یاردمی بیلن آنهلر و چقهلاقلرنینگ یخشی آوقتلر بیلن تأمینلش اوچون سعی-حرکت قیلماقده.»
بیزلرنینگ «ایکس» ترماغی ده هم تعقیب قیلینگ!
افغانستانده خلقارا ساغلیقنی سقلش تشکیلاتی وکیلی ادوین سینیزا سالوادور گه کوره، توییب آوقتلنمسلیک فقط ساغلیق معما اېمس، بلکه نسللرنی قمرهب آلووچی بیر ایلنمه دیر. «بو ایلنمهنی اوزیش اوچون هر بیر حیات باسقیچیده آلدینی آلیش و دوالش گه قرهتیلگن یاندهشوو طلب اېتیلهدی.» اوشبو تشکیلات اېنگ ضعیف قتلملر گه اینیقسه هر بیر عیال و باله گه ترقیات اوچون امکانیت یرهتیب بیریش گه صادق دیر.
افغانستانده خلقارا آزیق-آوقت دستوری اداره باشلیغی جان ایلیفنینگ ایتیشیچه، افغانستاندهگی عیاللر و بالهلر آچلیک انقراضیدن اېنگ کوپ ضرر کورهیاتگن قتلم دیر. اونینگ ایشانچی گه کوره، خلقارا آزیق-آوقت دستوری تورلی خیل ضعیفلیککه دوچ کېلگن عایلهلر گه فوقالعاده آزیق-آوقت یاردمینی کورستماقده – بو عایلهلرنینگ اکثریتی تیریک قالیش اوچون باشقه هېچ یوللری یوق.
افغانستانده بیرلشگن ملتلر تشکیلاتینینگ آزیق-آوقت و ایکینچیلیک دستوری وکیلی ریچارد ترنچارد گه کوره: «ایکینچیلیکنی قۉللب-قوتلهسک، بیز آزیق-آوقتنی ایشلب چیقریش، سقلش و تقسیملش صفتینی یخشیلش گه یاردم بیرهمیز. بو شوندن درک بیرهدی که، عایلهلر ساغلامراق و خیلمه-خیلراق آوقتلنیش امکانیتی گه ایگه بولهدیلر.» مذکور تشکیلاتنینگ کوپهیتیریشیچه، ییترلیچه منبع یرهتیلگن حالده، افغانستانلیک قیزلر، ییگیتلر، عیاللر و ایرککلر ساغلام و کرامت بیلن تیریکچیلیک قیلیش گه نیازی بولگن آوقتلردن فایدهلنیش گه ایشانچ تاپیشی ممکن.
شونینگدیک، افغانستانده یونیسف وکیلی تاجالدین اویو والی، بو مملکتده آوقتلنیش بحرانی فقط محلی فوقالعاده وضعیت اېمس، بلکه اېنگ قلتیس شرایطده حیات کېچیریب کېلهیاتگن عیاللر و بالهلر گه نسبتن دنیانینگ صداقتی سیناوی دیر.
میلادی ۲۰۲۵-ییل، ۲۳-می کونی، خلقارا ساغلیقنی سقلش مجموعهسینینگ ۷۸-اجرائیه هیئتی، میلادی ۲۰۲۳-ییل گه قدر خلقارا آزیق-آوقت هدفلری اوزهیتیریلیشنی تصدیقلهدی. بو قرار، تورلی توییب آوقتلنسملیک و دایمی ترقیات گه قول تاپیش گه نسبتن دنیانینگ صداقتیدن درک بیرهدی.
بیرلشگن ملتلر تشکیلاتی، شونینگدیک، آزیق-آوقت، ساغلیق نتیجهلری اینیقسه بالهلر و عیاللر آرهسیده کوپراق سیزگیر، یخشی جهازلنگن و جواب بیرووچی بولگن آوقتلنیش تیزیملری، ساغلیقنی سقلش، اجتماعی حمایه، ایچیملیک سوو، خذمتلری همده تعلیم-تربیهلرینی رواجلنتیریش کېرهکلیگینی سورهگن.
بیانیهده، خلقارا آزیق-آوقت غایهلریگه قول تاپیش اوچون آز قالگن وقت گه قرهگنده، سرمایه یاتقیزیش و تیزکار قۉشمه اقدام قیلیش حتمی نیازلیگی کېلگن.
