بیرلشگن ملتلر تشکیلاتینینگ آزیق-آوقت و ایکینچیلیک دستوریگه کوره، افغانستان سویابین ییتیشتیریش بولیمیده یوقاری امکانیتگه ایگه بولیب و بو محصول، اوشبو مملکتنینگ اقتصادی رواجلنیشی، آزیق-آوقت خوفسیزلیگی تامینلنیشی و آزیقلنیشنینگ یخشیلنیشیده مهم رول اوینهشی ممکن.
مذکور نهادنینگ بوگون (۱۹-دلو، یکشنبه)، اوز وبسایتیده یازیشیچه، سونگی ییللرده افغانستان ده سویابین ایکیلیشی سیزیلرلی درجهده کوپهیگن.
بیرلشگن ملتلر تشکیلاتی آزیق-آوقت و ایکینچیلیک دستورینینگ ایتیشیچه، اوتگن میلادی ییلده افغانستان دهگی دهقانلرگه اوچ مینگ ۲۰۰ پاکت سویابین اوروغی و کودی ترقهتیلگن.
بو نهادنینگ کوپهیتیریشیچه، سویابین ایکیلیشی توپراقنینگ کوپراق حاصل بیریشی، ایکین توری مستحکملنیشی همده اقلیم اوزگریشلری بیلن ماس و برقرار ایکینچیلیک توزیملری یرهتیلیشیگه یاردم بیرهدی.
پروتین، ضرور یاغلر، فیبر، ویتامینلر و معدنی مادهلرگه ایگه سویابین، آزیقلنیش نقطهی نظریدن فایدهلی و آزیق-آوقت خوفسیزلیگی همده آغیر توییب آوقتلنمسلیک بیلن قرشی کورهشیشده ماس ییچیم حسابلنهدی.
