اوکراین حربی کوچلر باشلیغینینگ اعلام قیلیشیچه، روسیه ۲۰۲۲-ییل فبروری آییده بو مملکتگه حربی هجومینی باشلهگنیدن بویان، قریب بیر میلیون ۲۲۵ مینگ ۵۹۰ عسکرینی قولدن بیرگن.
الجزیره خبری ترماغی بوگون (۲۸-جدی، یکشنبه)، اوکراین حربی کوچلر باشلیغیدن نقل قیلیب یازیشیچه، روسیه اوشبو اوروش جریانیده آغیر یوقاتیشلرگه روپهره بولیب و حربی جهازلرینینگ مهم قسمینی قولدن بیرگن.
اوکراین حربی کوچلر باشلیغینینگ معلوماتی اساسیده، روسیه حاضرگچه قریب ۱۱ مینگ ۵۶۹ تانک، ۲۳ مینگ ۹۱۴ زرهی موتر، ۷۴ مینگ ۶۰۱ حربی موتر و یاقیلغی ماده تانکری، ۴۳۴ اوچاق، ۳۴۷ تیکاوچر، ۲۸ کشتی و کیمه، ۱۰۸ مینگ ۶۰۵ پهپاد و باشقه بیر قطار نرسهنی قولدن بیرگن. شوندهی بیرحالده، اوروش باشلنگنیدن بویان ایکی تاماننینگ یوقاتیشلریگه عاید معلوماتلرنی مستقل تیکشیریش قیین بولگن.
شونینگدیک روسیه مدافعه وزیرلیگینینگ اعلام قیلیشیچه، سونگی ۲۴ ساعت ایچیده اوکراین تخمیناً بیر مینگ ۳۰۵ حربیسینی قولدن بیریب و روسیه هوا مدافعه تیزیمی اوکرایننینگ ۲۱۴ ته پهپاد همده ایکیته اوزاق مسافهلی نیپتون راکتهسینی یوق قیلگن.
مذکور وزیرلیککه کوره، روسیه کوچلری اوتگن بیر کیچهوکوندوزده ۱۶۷ نقطهده اوکرایننینگ ترانسپورت و انرژی آستقورمهلریگه هجوم اویوشتیریب و بو بیلن بیرگه، اوکراین کوچلری جایلشگن موقعیتلرنی نشانگه آلگن.
