چیگره تانیمس شفاکارلر تشکیلاتی، افغانستان‌نینگ اوچ ولایتی‌ده باله‌لر آره‌سیده قیزه‌میق کسل‌لیگی‌گه چلینیش‌نینگ اوچ برابر آشگنی‌نی اعلام قیلگن.
اوشبو تشکیلات بیر بیانیه آرقه‌لی ایتیشیچه، جاری میلادی ییل باشلنگنی‌دن حاضرگچه بلخ، هرات و هلمند ده قیزه‌میققه چلینگن باله‌لر سانی اوتگن ییل‌گه قره‌گنده اوچ برابر آشگن.
بیزلرنینگ «ایکس» ترماغی ده هم تعقیب قیلینگ!
چیگره تانیمس شفاکارلر تشکیلاتی‌نینگ کوپه‌یتیریشیچه، کونده مذکور اوچ ولایت‌ده کمیده بیر باله اوشبو کسل‌لیک طفیلی جان بیره‌دی.
افغانستان ده مذکور تشکیلات نماینده‌سی میکائیل لی‌پای‌نینگ ایتیشیچه: «افغانستان‌نینگ اوچ کسل‌خانه‌سیده ۲۰۲۵-ییل باش سکیز هفته‌سیده قیزه‌میققه شبهه‌لی ۴۷۹۹ باله‌نی کوردیک؛ اولر آره‌سیده ۲۵ فایزی کسل‌خانه‌لرده بستری بولیش و باشقه ۷۵ فایزی ایسه دوالنیش گه نیاز بار ایدی.»
بیزلرنینگ فیسبوک صحیفه‌میزگه باش اورینگ!
چیگره تانیمس شفاکارلر تشکیلاتی‌نینگ اورغولشیچه، افغانستان ده قیزه‌میققه قرشی ایملش بوییچه تیز و هدفلی کمپاین اوتکزیلیشی، بو کسل‌لیک کمه‌یشی‌‌گه یاردم بیره‌دی.
قیزه‌میق، یوقمه بیر کسل‌لیک بولیب، اونینگ آلدی آلینیشی اوچون اینگ یخشی اصول واکسین قیلیش دیر.
