جوزجان، غزنی و بادغیس ولایت‌لریده یالغیز سه‌شنبه کونی، ۲۳ جوزا، اوچ کیشی اوزلرینی دار گه آسیب یا ده آتیب اولدیرگنلر.
جوزجان امنیه قوماندان‌لیگی سوزلاوچیسی عبدالستار حلیمی نینگ سلام‌وطندار گه ایتیشیچه، اوتگن کونی توش چاغی ساعت ۱۲:۳۰ اطرافی ده، اوشبو ولایت نینگ قرقین تومنی «شورتیپه» قیشلاغیده ۱۷ یاشر بیر قیز اوزینی دار گه آسیب اولدیرگن.
جوزجان امنیه قوماندان‌لیگی سوزلاوچیسی نینگ کوپه‌یتیریشیچه، مذکور قیز نینگ اوزینی اولدیریش سببی حاضرگچه بیللی بولمه‌گن و امنیتی کوچلر واقعه گه دایر تحقیقات‌لرینی باشله‌گنلر.
شونینگدیک، غزنی ده بیر ییگیت اونشتیریلیشیدن کیین اوزینی اولدیرگن.
بیزلرنینگ فیسبوک صحیفه‌میزگه باش اورینگ!
مذکور ییگیت عایله اعضالری گه کوره، او غزنی ولایتی اندر تومنیده بیر کلینیک ده پرستار صفتیده ایشلر ایکن، اونشتیریلیش خبری دن آگاه بولیشیدن کیین اوزینی مذکور تومن نینگ «خانی‌قلعه» قیشلاغیده آتیب اولدیرگن.
او نینگ عایله اعضالری گه کوره، او غزنی ولایتی خصوصی بیلیم یورت‌لریدن بیری نینگ طبیات بولیمی طلبه‌سی بولیب و اندر تومنیده ساغلیک بیر کلینیک ده ایشلر ایکن.
مملکت نینگ تورلی ولایت‌لریده یشاوچیلر نینگ اوزینی اولدیریش واقعه‌لری کوپه‌یگن بیرحالده، بادغیس ده بیر ییگیت دینی بیر مدرسه ده اوزینی دار گه آسیب اولدیرگن.
بادغیس امنیه قوماندان‌لیگی رسمی‌لری نینگ ایتیشلریچه، اوشبو ییگیت اوتگن کونی مذکور ولایت ده دینی بیر مدرسه ده اوزینی ایپ بیلن دار گه آسیب اولدیرگن.
بیزلرنینگ توییترده هم تعقیب قیلینگ!
بادغیس امنیه قوماندان‌لیگی سوزلاوچیسی صدیق‌الله صدیقی نینگ سلام‌وطندار گه ایتیشیچه، قلعه‌ی‌نو شهری «تگاب اسماعیل» قیشلاغی یشاوچیسی بولمیش مذکور ییگیت، دینی تعلیم اوچون سنگ‌آتش تومنی «کلاخانی» قیشلاغی گه بارگن ایکن و اوزینی دار گه آسیب اولدیرگن.
صدیق‌الله صدیقی اوشبو ییگیت نینگ اوزینی اولدیریش سببینی روحی قیینچیلیک عنوان قیلگن.
ایتیش کیره‌ک که، سونگی کون‌لرده مملکت نینگ بیرقطار ولایت‌لریده اوزینی آتیب اولدیریش و دار گه آسیش واقعه‌لری کوپه‌یگن.
