اسلام امیرلیگی ایکینچیلیک، سوغاریش و چاروهچیلیک وزیرلیگی سرپرستی، بیرلشگن ملتلر تشکیلاتینینگ ترقیاتی دستوری باشلیغی بیلن اوچرهشووده، افغانستانده سوولرنی باشقریش بوییچه همکارلیک قیلیشنی سورهگن.
بیزلرنینگ فیسبوک صحیفهمیزگه باش اورینگ!
ایکینچیلیک، سوغاریش و چاروهچیلیک وزیرلیگی ۱۳-دلو، شنبه کونی ایکس صحیفهسیده بیر بیانیه ترقهتیب، اوشبو وزیرلیک سرپرستی عطاءالله عمری افغانستانده بیرلشگن ملتلر تشکیلاتینینگ ترقیاتی دستوری باشلیغی ستیفن رودریکویس و مذکور تشکیلاتنینگ ایکینچیلیک و قیشلاقلرنی رواجلنتیریش باشلیغی ویداست گاتی بوکا بیلن اوچرهشگنیدن خبر بیرگن.
بیانیه اساسیده، بو اوچرهشووده تامانلر افغانستان سوولرینی باشقریش، چکدم و سوو کاناللرینی قوریش، کوکنار بدیلی، ساووقخانهلر قوریلیشی و دهقانلر اوچون ایکینچیلیک اوسکونهلری توزیع قیلینیش مسئلهسی حقیده بحث اېتگنلر.
بیزلرنینگ «ایکس» ترماغی ده هم تعقیب قیلینگ!
شونینگدیک، ایکینچیلیک، سوغاریش و چاروهچیلیک وزیرلیگی سرپرستی عطاءالله عمری، مذکور تشکیلاتدن اقلیم اوزگریشی، قطرهای سوغاریش، ایکینچیلیک محصولاتلرنی پروسس قیلیش، خصوصی سکتور بیلن همکارلیک قیلیش و چاروهچیلیک فارملر ایجاد اېتیلیشی خصوصیده بو وزیرلیک بیلن همکارلیک قیلیشی گه تأکید اېتگن.
