هندوستان مرکزیده یولاوچی تاشووچی بیر ریلنینگ یوک تاشووچی بیر ریل بیلن توقنشگنی نتیجهسیده، کمیده ۱۱ کیشی اولیب و ۲۰ دن آرتیق کیشی یرهلنگن.
آسوشیتدپرس آژانسینینگ بوگون (۱۴-عقرب، چهارشنبه) گزارش بیریشچه، اوشبو واقعه بیلاسپور شهری یقینیده، یوز بیرگن.
محلی رسمیلرنینگ اعلام قیلیشلریچه، قوتقریش و جسدلرنی تاپیش عملیاتی بوگون ایرتهلب یکونلهنیب و واقعه محلیده ریللرنینگ اوتیب-قیتیشی قیته باشلنگن.
شونینگدیک هندوستان تیمیر یولی کمپنیهسینینگ اورغولشیچه، ریللر توقنشووی سببی توغریسیده تیکشیریشلر باشلهنیب، قربانلر و یرهلنگنلرنینگ عایلهلریگه مالی یاردم هم اختصاص بیریلگن.
هندوستان ده ریللرنینگ توقنشووی، دایم یوز بیرهدیگن بیر واقعه بولیب و هر ییل مذکور مملکت یشاوچیلریدن قربانلیک آلهدی. کونده ۱۲ میلیوندن آرتیق کیشی هندوستان بویلب ۱۴ مینگ ریل بیلن ۶۴ مینگ کیلومتر بولگن یوللرگه سفر قیلهدی. تیمیر یوللری خوفسیزلیگی یخشیلنیشی اوچون دولتنینگ سعیوحرکتلری بیلن، بیراق ینه هم هر ییل یوزلب واقعه یوز بیرهدی.
۲۰۲۳-ییلده اودیسا ایالتیده، کمیده ۲۸۸ کیشی هندوستان تاریخیدهگی اولیملی ریل واقعهلریدن بیریده هلاک بولگن.
