اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۴۸ تُن سمنتنینگ ایکی یوکی، حیرتان بندریده قیتریلگنینی بیلدیردی.
اوشبو اداره، بوگون (۲۵ دلو/۱۴ فبروری، شنبه) ایکس صحیفهسیده بیر بیانیه ترقهتیب بو حقده خبر بیردی.
بیانیگه کوره، اوشبو مقدار سمنت برچه تامانلمه تیکشیرودن کیین صفتسیزلیگی انیقلنیب و قیتریلگن.
ستندرد و صفت ادارهسی، چیت ایل مملکتلردن کیلتیریلهیاتگن بوتون توارلرنینگ صفتینی انیقلش جریانی شفاف، ترتیبلی و جدی شکلده تیکشیریلهدی و صفتسیزلیگی انیقلنگن حالده، مملکت بازارلریگه کیریتیش ایزینی بیریلمهیدی.
اوشبو اداره، سوداگرلر و تشقی مملکتلردن توار کیلتیرهیاتگنلردن، مملکت ایچکی معیاری و توارلرنینگ صفتی گه دقت قیلیب و بو توغریده ستندرد و صفت ادارهسی بیلن همکارلیک قیلیشلرینی سورهیدی.
بوندن آلدین هم، مملکتنینگ تورلی بندرلریده صفتسیزلیگی انیقلنگن توارلر قیتریلگنی ایتیلگن.
