پکتیکا ده محلی مسئوللرنینگ اعلام قیلیشلریچه، اوشبو ولایت برمل تومنیده جایلشگن «مرغه» اسملی بیر منطقهده، پولیونینگ ایکی واقعهسی قید ایتیلگن.
پکتیکا ولایت مقامی ادارهسی باشلیغی محمدابراهیم آغانینگ ییتکرمهلرگه ایتیشیچه: «مرکز و زوندن بو حالتلر بوییچه تیملر یوباریلگن ایدی و شونینگدیک محلی ادارهلر قوشمه بیر تیمنی منطقهگه یوباردیلر که نتیجهده، پولیونینگ ایکی موردی ثبت بولگنی بیللی بولدی. مذکور عایلهلر امکانیتگه ایگه بولگن عایلهلر دیر؛ بیراق بالهلرینی واکسین قیلمهگنلر و واکسیناسیون عملگه آشیریلیشیده توسیقلر بار ایکن. لیکن پولیو گه تیگیشلی کیشیلر اوشبو عایلهلر توغریسیده محلی ادارهلرگه معلومات بیرمهگنلر و بیر کون آلدین ولایت مقامی بیلیب و تیزلیککه اوز تیمی و موسسهلردهگی تیگیشلی کیشیلرنی منطقهگه یوبارگن. بو ایکی حالت بیر قیز و بیر اوغیل بالهدن عبارت دیر.»
پکتیکا ولایت مقامی ادارهسی باشلیغینینگ کوپهیتیریشیچه، قوشمه تیم حاضرگچه مذکور منطقهده حضوری بولیب، شونینگدیک کوپینچه تدقیقات اوتکزماقدهلر که، اونینگ نتیجهسینی شریک قیلیشلری ممکن.
