فراه ولایتی محلی رسمیلری، اوشبو ولایتده اوتگن اوروشلردن قالگن اوق پارتلشی عاقبتیده ایکی باله قربان بولگنیدن خبر بیردیلر.
فراه امنیه قوماندانلیگی سوزلاوچیسی کلیمالله ننگیال، واقعه ۲۷ دلو/۱۶ فبروری، دوشنبه کونی فراه پشتکوه تومنی «کاریزک» قیشلاغیده، بالهلر اوق بیلن اوینش پیتیده یوز بیرگنینی بیلدیرگن.
آلدینراق اروپا اتفاقی، افغانستاننینگ قیشلاقلری، تاغلری و ایکینچیلیک ییرلریده اوتگن اوروشلردن اوقلر یشیرینیب قالگن و اولرنینگ انیق جایی بیللی ایمسلیگینی اعلان قیلدی.
اوشبو تشکیلات گه کوره، قویاش ۱۳۸۹ ییلدن حاضرگچه، اوتگن اوروشلردن قالگن اوقلر پارتلشیده ۴۵ مینگدن آرتیق تینچ اهالی اولگن یا کی ناگران بولگن – اولرنینگ اکثریتینی بالهلر تشکیل بیرهدی.
افغانستانده بیرلشگن ملتلر تشکیلاتی نمایندهلیگی (یوناما)، افغانستاننی دنیا مقیاسیده اوروشلردن قالگن اوق-دارو گه افلاسلنگن اوچینچی مملکت دیگن.
