هلمند امنیه قوماندانلیگی مطبوعات ادارهسی، بیر بیانیه ترقهتیب اوشبو ولایتده سابقدن قالگن اوق-دارولر پارتلشی عاقبتیده ایکی باله هلاک بولگنینی بیلدیرگن.
اوشبو واقعه، بوگون (۳۰ ثور/۲۰ می، چهارشنبه) خانشین تومنی حدودلریده یوز بیرگن. بالهلر سابقدن قالگن اوقنی تاپیب و اونی اویده آلاو ایچیده تشلهگنلریدن کیین پارتلهگن.
بیانیه گه کوره، اوشبو واقعه نتیجهسیده اوچ یاشر و ۱۰ یاشر ایکی باله هلاک بولگنلر.
هلمند امنیه قوماندانلیگی مطبوعات ادارهسی بیانیهسیده، واقعهده اوشبو بالهلرنینگ آنهسی یرهلنگن و خوفسیزلیک کوچلر تامانیدن دوالنیش اوچون ساغلیق مرکزیگه آلیب باریلگنی قید ایتیلگن.
افغانستانده اوتمیشدن پارتلمهی قالگن اوق-داورلر پارتلشی، هنوز هم تینچ اهالی اوچون جدی تهدید حسابلنهدی و انده-سنده پارتلب اینیقسه بالهلردن قربانلیک آلهدی.
