مدنی و اجتماعی فعاللردن بیرقطاری تامانیدن بوگون (یک‌شنبه، ۱۲ سرطان) توییتر ده «قیزلرنی اورگه‌تیش» ملی کمپاینی یولگه قوییلدی.
اوشبو کمپاین تشکیلاتچیلری، بو ایش‌لریدن اصلی مقصد قیزلر یوزی گه مکتب‌لر و بیلیم یورت‌لر ایشیگی آچیلیشی عنوان قیلیب ایتیشلریچه، تعلیم و تحصیل دن قیزلر نینگ اوزاق قالیشینی تحمل قیله آلمه‌یدیلر.
مذکور کمپاین تشکیلاتچیلریدن خوشحال روهی نینگ سلام‌وطندار گه ایتیشیچه: «تعلیم قیزلر نینگ اساسی حقی دیر، بو افغانستان بوتون خلقی نینگ ایسته‌گی دیر بیز اوشبو کمپاین آرقه‌لی هماهنگ‌لیک ایجاد ایتیب و اسلام امیرلیگی بیلن مذاکره قیلیب و حکومت نی قیزلر یوزی گه مکتب و بیلیم یورت‌لر ایشیگینی آچیش گه قانیقتیریشنی ایسته‌یمیز.»
اوشبو کمپاین تشکیلاتچیلری، دنیا همجمعیت و اسلامی اولکه‌لر نینگ دین عالم‌لریدن، افغانستان‌لیک قیز اوقووچیلر یوزی گه مکتب‌لر و بیلیم یورت‌لر آچیلیشی گه دایر خلق‌ارا ییغیلیش یولگه قوییشنی ایسته‌یدیلر.
بیزلرنینگ فیسبوک صحیفه‌میزگه باش اورینگ!
خوشحال روهی نینگ ایتیشیچه: «قیزلر نینگ اوقیش مسئله‌سی یالغیز افغانستان گه تیگیشلی ایمس بلکه اسلامی برچه اولکه‌لر نینگ مسئله‌سی دیر، بو موضوع اسلام نی یامان کورسته‌دی. اسلامی اولکه‌لر افغانستان گه یوقاری مرتبه‌لی هیات یوباریب و بوتوغریده فتوا صادر قیلیب و اسلام امیرلیگی نی قانیقتیریش اوچون اولر بیلن جدی مذاکره قیلیش‌لری کیره‌ک.»
باشقه تاماندن، تعلیم و تحصیل دن قالگن قیزلردن بیرقطاری، اولر گه مکتب و بیلیم یورت گه باریش رخصتی بیریلیشینی سوره‌یدیلر.
ینگی‌لیکده، کابل بیلیم یورتی فاکولته‌لریدن بیری ده یول تاپگن شبنم گه کوره، مملکت نینگ بویوک بیلیم یورتی گه باریش آرزوسی رویا گه اوزگرگن.
او نینگ کوپه‌یتیریشیچه: «بیلیم یورت گه کامیاب بولگندیم، ثبت‌نام قیلیش جریانینی بوتونلی بیتتیرگن ایدیم، نیچه کون اوتگچ سبق‌لر باشله‌نیشینی کوتر ایدیم، بیراق بیلیم یورت‌لر ایشیگی یاپیلیشی بیلن برچه آرزو و غایه‌لریمیز هیچ بولدی، بو احوال اچینرلی دیر و ییگیت‌لر کبی سبق اوقیش گه حقی‌میز بار.»
طب فاکولته‌سی طلبه‌سی زهرا نینگ ایتیشیچه، تحصیل دن محروم بولیشی، حیاتی اوستیگه سلبی تأثیر قیلگن. «نیچه ییل سبق اوقیدیم و حاضر روحی قیینچیلیککه دوچ بولیب و کیله‌جککه دایر امیدسیز بولگن من، کتاب‌لریمنی کوریب ییغلر ایدیم، دولت بیز گه اجازه بیریش گه امیدوار من، تعلیم بیزنی اساسی حقی‌میز دیر، ینه بیر تاماندن مملکت آبادانچیلیگی عیاللر نینگ حضورسیزلیگی بیلن ممکن‌سیز دیر، قچانگه تحمل قیله‌یدیک.»
بیزلرنینگ توییترده هم تعقیب قیلینگ!
کابل شهری ده دولت مکتب‌لریدن بیری نینگ اونینچی صنف اوقووچیسی سحر، قیزلر گه تعلیم بیریش کمپاینی یولگه قوییلیشینی خوش قرشی‌لب ایتیشیچه، قیزلر نینگ تعلیم و تحصیلی اوچون بوله‌دیگن اقدام‌لر برابری ده بی‌فرق یانده‌شیلمسلیککه امیدوار دیر.
اونگه کوره: «بو کمپاین نتیجه بیریش گه امیدوار من، آوازیمیز ایشیتیلیشی اوچون برچه آواز چیقریشی کیره‌ک، باشقه اولکه‌لر دن قیزلر گه تعلیم حقی بیریلیشی اوچون اوشبو کمپاین نی قوللب_قوتلش‌لرینی ایسته‌یمیز.»
اسلام امیرلیگی حاکمیتیدن کیین مملکت بویلب آلتینچی صنف دن یوقاری قیز اوقووچیلر یوزی گه مکتب‌لر ایشیگی یاپیلیشی دن ۶۵۲ کون اوتیشی و قیزلر یوزی گه بیلیم یورت‌لر ایشیگی یاپیلیشیدن ۱۹۲ کون اوتماقده ایکن، قیزلرنی اورگه‌تیش ملی کمپاینی یولگه قوییلگن.