تورکیه تشقی ایشلر وزیری، اسرائیلنینگ ایران گه هجوم قیلیش اوچون فرصت ایزلهیاتگنیدن خبر بیرووچی بیلگیلر موجودلیگینی معلوم قیلگن.
تورکیه تشقی ایشلر وزیری هاکان فیدان، تلویزیونی بیر ترماق بیلن اوتکزگن صحبتلریده ایتیشیچه، تهران گه قیلگن سونگی سفری جریانیده، بو خواطرلرنی توغری بیر شکلده ایران رسمیلری بیلن شریک قیلگن.
بوندن آلدین تورکیه جمهور باشلیغی رجب طیب اردوغان، ایران جمهور باشلیغی مسعود پزشکیان بیلن اوتکزگن تلیفونی علاقهده، ایران ایشلریگه هر قندهی تشقی ارهلشووگه انقرهنینگ قرشی بولگنینی بیان قیلگن.
سونگی کونلرده ایران، اسرائیل و امریکا آرهسیده لفظی جنجللر کوپهیگنی و خلیج فارس منطقهسیده امریکانینگ حربی حرکتلریدن گزارشلر ترقهتیلگنی بیرحالده، تورکیه و ایران رسمیلری بیاناتی مطرح بولگن.
