خلق‌ارا میدیالر نینگ معلوماتی اساسیده، تورکیه و سوریه ده سونگی زلزله‌لر عاقبتیده قربان بولگن‌لر سانی ییتی مینگ کیشی دن آشگن.
خلق‌ارا ساغلیق‌نی سقلش تشکیلاتی، تورکیه و سوریه ده ده زلزله باعث ۲۳ میلیون کیشی تأثیرلنگنینی تخمین ایتگن. مذکور نهاد قربانی‌لر رقمی سکیز مینگ کیشی گه ییتیشی ممکن دیگن.
بیزلرنینگ فیسبوک صحیفه‌میزگه باش اورینگ!
تورکیه دولت رهبری رجب طیب اردوغان، اوشبو مملکت نینگ جنوبی ده زلزله باعث زیان کورگن ۱۰ ولایت نی فاجعه‌لی منطقه‌لردن دیب و مذکور منطقه‌لرده اوچ آی گه قدر فوق‌العاده حالت اعلام قیلگن.
تورکیه ایچکی ایشلر وزیری سلیمان سویلو، اوشبو زلزله‌لرنی تورکیه تاریخی ده اینگ بویوک فاجعه اوقیب و اوشبو حادثه طفیلی قربانی‌لر رقمی آشیشی ممکن دیگن.
جناب سویلو نینگ کوپه‌یتیریشیچه، تورکیه ده زلزله باعث توپلم روشده ۹۴۱ بنا بوزیلگن و اوشبو مملکت ده سکیز مینگ دن آرتیق کیشی دیوارلر آستیدن جانلی شکلده قوتقریلگن.
بیزلرنینگ توییترده هم تعقیب قیلینگ!
شونینگدیک سوریه ده کمیده بیر مینگ ۸۳۲ کیشی قربان بولگن و مینگلب کیشی یره‌لنگنی قید ایتیلگن.
ایتیش کیره‌ک که، تورکیه ده ۵.۳ درجه ریشترلیک اوچینچی زلزله یوز بیرگن، بیراق اوشبو زلزله نینگ احتمالی تلفاتی و زیان‌لری حقیده معلومات بیریلمه‌گن.